LUGO .- A vicepresidenta segunda da Deputación, Lara Méndez, presentou o orzamento do Instituto de Desenvolvemento Económico e Social (INLUDES) para o ano 2010, e que ascende a 14 millóns de euros. O INLUDES potenciará as novas tecnoloxías, o sector agrogandeiro e o emprego.
Nota de Prensa
O INLUDES potenciará as novas tecnoloxías, o sector agrogandeiro e o emprego cun orzamento de 14 M€
– O Consello Reitor aprobará mañá o Presuposto que en 2010 diminúe un 7,23% debido á merma dos ingresos do Estado e á aplicación dos proxectos europeos
– Lara Méndez destaca que é “un orzamento realista, xa que a crise obríganos a facer unha política austera, polo que facemos un esforzo por reducir os gastos correntes e que son superfluos nun 12,46%”
– 14 prestixiosas empresas españolas e multinacionais compiten pola implantación da e-administración na Deputación e nos Concellos
– Continuarase coa aposta polo sector agrogandeiro a través do Centro de Recría, cuxo proxecto está a ser tramitado no Concello de Castro de Rei, e antes de finais de ano se enviará á Xunta de Galicia para obter os permisos pertinentes
O Consello Reitor aprobará mañá o Presuposto, que está amparado no Plan Económico Financieiro aprobado en xullo de 2008, e que diminúe en 2010 un 7,23%, é dicir, 1.091.628 euros. Isto débese por un lado, á merma dos ingresos que se recibirán dos tributos do Estado e, por outro, á aplicación dos proxectos europeos acadados. “Hai algúns que se solicitaron o ano paso e que non foron concedidos, o que implica que non os hai que executar e por iso non se contempla consignación orzamentaria”.
Lara Méndez destacou que é “un orzamento realista no que miramos a onde vai destinado cada céntimo de euro, tal e como esixe o a situación económica actual que nos obriga a facer unha política austera, realizando un grande esforzo no control dos gastos correntes como material, equipamentos, etc. Neste senso, un dato importante é que neste capítulo, a aportación do INLUDES redúcese nun 12,46%”.
Principais apostas do Orzamento
Lara Méndez destacou que “se traballará coa xestión xa iniciada en 2009 e cos proxectos cofinanciados con fondos europeos. O ano pasado soubemos captar investimentos de Europa que nos permitiron aforrar cartos á Deputación. O 2010 será o ano no que teremos resultados visibles e palpables”. Neste senso, as liñas estratéxicas do Presuposto son fundamentalmente cinco:
1º.- Aposta polas novas tecnoloxías e pola sociedade da información co programa Innova-TE. Ten un orzamento de 9 millóns de euros e a aportación do INLUDES en 2010 ascende 3.140.000. Lara Méndez destacou que a finais de outubro aprobamos con 7 millóns de euros o maior investimento en TICs feito nunca en Galicia. Neste senso, adiantou que este mesmo luns celebrouse unha mesa de contratación na que se admitiron 7 propostas de 14 prestixiosas empresas españolas e multinacionais que compiten nestes momentos pola implantación da e-administración na Deputación e nos 66 Concellos da provincia. “Moitas delas son UTES nas que están representadas empresas tan importantes como Telefónica ou HP e en 20 días producirase a adxudicación provisional. Detrás destas, contémplase ata un 60% de subcontratación na provincia, o que xerará unha grande actividade económica e riqueza en Lugo”.
Asimesmo, indicou que “dentro da aposta polas novas tecnoloxías, pero neste caso no medio rural, no INLUDES temos outro proxecto que é o Parnet-TIC. Este programa terá unha partida específica de 225.672 euros”.
2.- Aposta polo sector agrogandeiro: O campo vai da man do 1º Centro de Recría público que a Deputación construirá o vindeiro ano na Granxa Gayoso-Castro, que é amplamente demandado polo sector agrogandeiro en xeral e co que se aforrará cartos ós gandeiros. Tamén se continuará coa reforma para modernizar as instalacións existentes en Castro de Rei. Neste caso, o investimento é de 2.214.660 euros.
Lara Méndez subraiou que “antes de finais de ano enviarase o proxecto que está a tramitar o Concello á Xunta para obter os permisos pertinentes, e así seguir avanzando e iniciar o comezo das obras previsto para o primeiro semestre”.
3.- Fomento do emprego estable, a través do Pacto Provincial polo Emprego, programa que está avalado por Europa e que conta cun orzamento de preto de 4 millóns de euros. En 2010 a achega do INLUDES é de 1.249.787 euros.
Deste proxecto, a Vicepresidenta Segunda adiantou que “estamos rematando a diagnose da situación laboral da provincia para atacar ó desemprego e formar ás persoas desempregadas facilitándolles ó acceso a novos postos de traballo”. Asimesmo, suliñou que “seguiremos cunha iniciativa pioneira na Deputación e en moitas institucións provincias como é o programa de apoio ós autónomos, e que se fixo por concurrencia competitiva. Ante o éxito da iniciativa que puxemos en marcha en 2008 e repetimos en 2009, haberá unha terceira convocatoria”. A este fin, no Orzamento destínanse 669.741 euros.
4.- Aposta polo medio ambiente e polas enerxías renovables: Este ano abrirá as súas portas no INLUDES a Axencia Provincial da Enerxía para o aproveitamento enerxético da provincia. Lugo só xera unha cuarta parte da enerxía que consume e a pesar de que Galicia é unha das principais produtoras españolas, as 4 provincias teñen que importar para atender a súa demanda. “Coa Axencia, á que destinamos 379.668 euros, contribuiremos a facer un uso racional, que aforre cartos ós Concellos”.
Centro de Artesanía e Deseño e UPD
A quinta liña é o Centro de Artesanía e Deseño da Deputación que contará o vindeiro ano cun orzamento de 1.696.849 euros para “seguir apoiando ós nosos artesáns neste momento de crise e para seguir innovando na Capela de Santa María”. Méndez indicou que “é unha das poucas partidas aumentan, un 27%, e isto débese ó incremento da formación, á diferenza do que se facía en épocas anteriores, e a que o CENTRAD conmemorará en 2010 o XV aniversario da súa creación. Con motivo disto celebraremos o 3º Encontro de Rede Ibérica de Centros de Artesanía no que estarán representados Centros de España e Portugal”. O primeiro celebrouse en Valladolid e, o segundo, en Valencia.
Para a Unidade de Promoción e Desenvolvemento (UPD) o INLUDES achega 83.449 euros. “É importante este dato e non só pola cuantía, senón polo retorno e polo beneficio que repercute a todos os Concellos da provincia. Dende este servizo realízase un traballo importante, é a unidade que desenvolve os proxectos do canon ou incluso outros de obra nova”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
