NOTA DE PRENSA (FNC)
O BNG DE BARREIROS ACUSA A ALFONSO FUENTE DE SER O RESPONSABLE DA XUDICIALIZACIÓN QUE SOFRIU A VIDA POLÍTICA E ADMINISTRATIVA DO CONCELLO. OS NACIONALISTAS CONSIDERAN QUE O CAOS URBANÍSTICO FOI PROVOCADO E ACRECENTADO POLA MALA XESTIÓN DOS POPULARES BARREIRENSES.
Barreiros, 2 de decembro de 2009. O BNG de Barreiros acusa a Alfonso Fuente de ser o responsable da xudicialización que sofriu a vida política e administrativa do concello. Os nacionalistas recoméndanlle ao alcalde que busque solucións en lugar de andar na busca de culpables.
O portavoz do BNG en Barreiros, Antonio Veiga, cre que “o alcalde de Barreiros ten dúas opcións, ou buscar culpas ou solucións. Parécenos que está a adoptar a postura de buscar culpas, porque aos malos xestores eso sempre lles resulta máis fácil. Pensamos que o Concello de Barreiros non pode vivir dese argumento, pero á hora de buscar culpas Alfonso Fuente tería que facer examen de cociencia e mirarse ao espello e recordar quen foi o que firmou as licencias con informes xurídicos desfavorables. E non foron nin unha nin dúas, foron moitas e eso foi o que provocou este caos urbanístico, provocóuno e acrecentóuno a mala xestión do PP en Barreiros”.
Os nacionalistas engaden que “agora parece ser que a solución pasa porque todos paguemos as desfeitas que ocasionaron uns poucos para beneficio propio. Non nos cansaremos de repetilo e desde logo que nós non usamos as argumentacións demagóxicas que o PP usa ata o de agora. Agora con esa solución que apunta o PP da Xunta e que avala o PP de Barreiros parece ser que os servizos que outros tiñan que ter posto antes que os edificios vanos ter que pagar todos os cidadáns, os que se beneficiaron e os que non se beneficiaron, que son a maioría neste concello. Aí é onde está o problema”.
Veiga Outeiro sinala que “a xudicialización da vida política e administrativa do Concello Barreiros desde logo que a provocou única e exclusivamente Alfonso Fuente. Nós dámoslle a escoller, que siga buscando culpables xogando a xuiz ou que busque solucións. Segundo dicía algún deputado do PP que agora está no grupo de goberno, na campaña dixo que si eles gañaban esto íase arranxar nun plisplas, eso díxoo no teleclube de Barreiros un coñecido deputado do PP na Mariña co aplauso de todo o PP de Barreiros. Os veciños agardan agora esa solución máxica que se ía producir tan pronto entrasen na Xunta, así que recoméndolle ao alcalde que opte polo camiño das solucións en lugar de buscar culpables”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
