Nota de Prensa
O PP rexeitou emendas presentadas polo BNG mariñán por 12.8 millóns de euros
Veiga afirma que o PP de Balseiro asinou a carta de defunción do desenvolvemento da Mariña coas contas aprobadas polo Parlamento
O nacionalista mariñán salienta que o PP non vai cumprir ningún dos seus compromisos electorais coa comarca.
A Mariña, 17 de decembro de 2009. O BNG mariñán criticou duramente a actitude do PP no Parlamento Galego que “volvendo a aplicar a política do rodillo dos últimos 16 anos” laminou tódalas emendas presentadas para mellorar os orzamentos da Xunta coa comarca. Os nacionalistas quixeron facer fincapé na falta de credibilidade dos representantes do PP mariñao que non admitiron emendas que incluían partidas orzamentarias específicas para infraestruturas sociais ou de comunicación que foron cabalo de batalla dos populares nos últimos anos, co cal demostran que os seus intereses non están na defensa dos intereses da comarca, senón en manter o posto e os coches oficiais.
A negativa do PP, cos seus dous parlamentares mariñans como cómplices, a admitir ningunha das emendas presentadas polo BNG da Mariña aos orzamentos da Xunta para 2010, condena á parálise actuacións tan relevantes como a ampliación do Hospital da Costa ou o demandado corredor San Cibrao-Ferrol. Antonio Veiga chamou tamén a atención sobre a negativa dos populares a admitir emendas nacionalistas sobre a estrada LU-124 de conexión entre A Pontenova, Riotorto e Mondoñedo coa A8, “a cidadanía destes tres concellos deberan ter en conta quen son os responsábeis da súa incomunicación”
Antonio Veiga cualificou de demagóxica a política de austeridade de Feijoo que incrementa os gastos das delegacións provinciais para fortalecer a estrutura partidaria do PP, mentres recorta gastos en políticas sociais e non existen políticas decididas para combater a crise económica e o desemprego.
Antonio Veiga referiuse con maior concreción á paralización de investimentos previstos polo anterior goberno no Hospital da Costa para o que foi presentada unha emenda por 1.6 millóns de euros, o nacionalista criticou que a negativa do PP a investir neste hospital pon negro sobre branco as verdadeiras intención do Partido Popular para desmantelar a autonomía deste centro hospitalario e sitúase no marco das intencións do goberno Feijoo de ir socavando a calidade da sanidade pública en beneficio da privada. O nacionalista lembrou que fai escasamente un ano, Balseiro reclamaba 3 millóns para este hospital, 2 para amplialo e 1 para a resonancia magnética, “agora ao Sr. Balseiro chégalle con recoller os beneficios da Mesa do Parlamento e o coche oficial mentres un día tras outro o servizo sanitario na Mariña se vai deteriorando”
Na mesma liña, Veiga lembrou os 15 millóns demandados o ano pasado polo popular para a VAP no tramo autonómico entre San Cibrao e Ferrol que agora recortan nun 75% en relación ás previsións do anterior goberno para 2010. “É evidente que nin a Sra. Chao nin Balseiro están no parlamento para defender os intereses mariñans”, rematou
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
