BURELA (FNC) .- O barco museo Reina del Carmen ven de renovar todos os seus soportes informativos e de actualizar a súa imaxe identificativa, segundo informa hoxe a Delegación de Industria, Comercio e Turismo. O edil José González Legazpi sinala que “algúns deses soportes precisaban das necesarias reparacións de mantemento e outros da súa definitiva substitución por atopárense en condicións de apreciable deterioro”.
O concelleiro nacionalista manifesta que “si de forma continuada se veñen facendo importantes actuacións no ámbito do mantemento do barco museo Reina del Carmen para posibilitar a súa funcionalidade de modo axeitado en tanto que representa un activo turístico e formativo importante, e que se teñen concretado na súa operatividade mecánica, xunto coas condicións de estanqueidade e amarre,así como a súa reparación xeral en asteleiro, corresponde agora actualizar e definir os seus soportes informativos e identificativos”.
O responsable da Delegación de Turismo explica que “renóvase por tanto non só o material por atoparse deteriorado, se non que tamén se aproveita esta circunstancia, para dotar ao barco museo da necesaria identificación vencellada ao mundo mariñeiro, conforme corresponde ás condicións do mesmo e á súa importancia turística e divulgativa dentro das características propias e representativas da tradición mariñeira de Burela e mesmo dunha parte importante da nosa historia”.
José González Legazpi suliña que “atópase por tanto renovada a imaxe do barco museo Reina del Carmen ao dotarse de soportes identificativos que mateñen uniformidade coa imaxe corporativa de Burela representanda en tonos, fondos e deseños conforme ás características mariñeiras como algo esencial e histórico do noso concello, ao tempo que trasmiten unha axeitada vistosidade que conforma pasado e modernidade e que nos lembran tamén o dinamismo e desenvolvemento que favorecen a potencialidade de Burela”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
