NOTA DE PRENSA
Insensibilidade no goberno municipal de Xove coas persoas discapacitadas e con mobilidade reducida
O responsábel local do BNG de Xove, Marco López, e mais o concelleiro da formación nacionalista, Xesús Fernández Bouza, compareceron onte perante os medios co obxectivo de dar a coñecer publicamente a súa preocupación pola carencia de sensibilidade do actual equipo de goberno municipal coas persoas discapacitadas, cos dependentes e, en xeral, coa xente con mobilidade reducida. “A nosa chamada de atención ten como finalidade a eliminación dos obstáculos físicos que impiden que determinados grupos de poboación poidan chegar, acceder ou moverse por un edificio, lugar ou zona en particular”, asegurou Bouza ao tempo que advertiu que todo se pode resumir nun “problema de accesibilidade e seguridade”.
Desde o 27/03/2008, a quen vulnere as normas de accesibilidade ou igualdade de oportunidades, poderánselle impoñer multas de até un millón de euros: “Acaso descoñece a lexislación vixente o executivo municipal?”, advertiu Marco López. Estas vulneracións das normas estatais e autonómicas (Galiza: Lei 8/97 de 20 de agosto, publicada no DOG 166 de 29/08/97) foron reguladas na Lei 49/2007, que estabelece o réxime de infracións e sancións no eido da igualdade de oportunidades, a non-discriminación e mais a accesibilidade universal de persoas con discapacidade.
O BNG xovense denunciou e levou a diferentes plenos o seu malestar polo incremento de barreiras arquitectónicas no acceso tanto a edificios públicos como a instalacións de servizos esenciais e de lecer. Os nacionalistas ven a necesidade de artellar un plan ético de actuación neste eido, á vista da proliferación de malos exemplos promovidos polo PP en todo o municipio. En concreto, o concelleiro Xesús Fernández Bouza pediu a adhesión e comprensión de toda a sociedade neste tema, dado que desde o BNG levan agardando por unha solución pacientemente, “pero a nosa responsabilidade como xestores públicos impídenos adiar máis este problema”. Tamén afirmou que esta reivindicación sae á luz para minguar as dificultades de desprazamento das persoas que utilicen cadeira de rodas, que anden en muletas, que teñan unha idade avanzada ou, sinxelamente, que padezan unha eiva física.
O responsábel local do BNG falou en concreto do acceso ao Salón de Actos ubicado no Centro Cívico: “Onde primeiro se tirou a rampla e despois se pensou en poñer un ascensor”, manifestou en referencia ao derrubamento da única entrada habilitada para as persoas discapacitadas sen que o equipo de goberno pensara antes en cubrir esa necesidade coa construción dun elevador ou plataforma. Marco López asegurou que desde o BNG cren que esta foi unha boa obra pola amplitude que outorga unha praza aberta: “Agora ben”, subliñou a continuación o responsábel local, “as cousas téñense que facer con sentidiño e aquí comezouse a casa polo tellado”.
Da mesma maneira, López advertiu que as marquesiñas que protexen das inclemencias do tempo aos usuarios do transporte público, ademais de serviren de improvisado taboleiro de esquelas, son unha mostra de como dificultar a vida diaria das persoas con discapacidade para acceder e gozar dos bens e servizos que ofrece a sociedade. Isto impide a integración e normalización destes cidadáns na súa contorna.
Así mesmo, Marco López quixo mencionar o Roteiro dos Muíños da Rigueira como un terceiro exemplo do que non se debe facer. O responsábel local asegurou que o camiño á beira do río foi unha reivindicación histórica dos nacionalistas e que, porén, desde o BNG non dubidaron en valorar a recuperación de dominio público que supuxo o paseo, “aínda que só é un bosquexo e todo está por facer”. López creu de xustiza denunciar que os paus colocados no medio do carreiro impiden moverse con normalidade “cando levamos o carro dun pícaro, cando montamos en bici ou, sinxelamente, cando queremos camiñar sen dificultade”.
O concelleiro Xesús Fernández Bouza afirmou, en relación á toma en consideración da eliminación de barreiras arquitectónicas, que moito se fixo “a proposta nosa”, como o acceso á piscina ou o guindastre para poderse bañar a xente con mobilidade reducida. E aseverou que os novos inquilinos da Casa do Concello son moi receptivos nalgunhas cousas e valoran de xeito positivo todas as ideas que o grupo do BNG lles da para gobernar, “pero nestes temas están en cueiros”.
Desde o seu cargo orgánico no Bloque Nacionalista Galego local, Marco López fixo fincapé en que os problemas de accesibilidade afectan de xeito especial ás persoas en cadeira de rodas, pero tamén quixo destacar que o INE cifra nun 9% a poboación que ten deficiencias que dificultan o seu desprazamento: “Unha cifra que nos concellos avellentados se dispara”, retrucou. “Unha cousa é avanzar paseniño, segundo se vaia podendo, na erradicación das barreiras arquitectónicas que forman parte desde hai anos do mobiliario urbano e rural do Concello, e outra moi distinta é creala con obra nova”; por iso a esixencia da súa obrigada eliminación.
Finalmente tanto Xesús Fernández Bouza como Marco López aseguraron que a súa formación política non pode entender que o Concello de Xove, cun orzamento total que ascendeu este ano 2009 a preto de dez millóns de euros (máis de 1.500 millóns das antigas pesetas), non sexa máis ambicioso no reforzo da igualdade en dereitos de todos os cidadáns sen ter en conta as súas circunstancias: “As administracións deberiamos ter unha sensibilidade meirande neste ámbito e sermos os primeiros en respectar e cumprir as leis”, quixo rematar Bouza.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
