Esta semana saíu do prelo o libro de poemas de Paco Rivas ilustrado por min “ENTRE NOIS E A PENA ORXAL” editado por o Concello de Foz.
Cada vez que encontro a Paco Rivas e converso co poeta, sinalámonos cousas, ampliamos comentarios, sacamos colación vellas historias, novos chismes, asuntos para o esquecemento, a amizade perigosa do triquiñuelo, a fuxida e a forma coa que podaron os acalorados cabezas do liderado barrial; e cando facemos cousas xuntos el a palabra e eu o debuxo o meu traballo e de axudante, o seu de capataz, o da pedra angular metido ata o zapato, a viga que fun soprando no seu, o azougue que nos reflexos íntegros e desparellos no nome do ben que todo bótao embaixo.
Por entre Nois e a Orxal,
Hai un carreiro, dous regos,
Moitos verdes e un cabás
Cun anaquiño de ceo….
E aínda mais….
O poeta mora nunha torre vixía ala en Trasmonte dende vixila dende o cavo Burela ata Tapia de Casariego, cando chega , bicos á Ana, desalfoxase as roupas, en pantaloncillos e a escribir tres follas de parra gardadas dende outono.
Eu volto a vostedes, alta a temperatura, día xoves, mañá cobramento, hai que pagar as facturas, mandar un sen cargos, dividir para organizas o traballo no obradoiro , gardar dous euros e esperar que da suor dun mes nos de para que cubrir o primeiro, e quedar en débeda para o seguinte.
¡Quen fora mariñeiro,
Para poder navegar
O ceo no seu espello¡
¿Verdá que si mariñeiro?
¡E ti collido dos remos¡
Fóra os nenos xogan á pita cega. Por entre as cortinas do pazo, ou unha cousa parecida. Entra unha brisa fresca, os gatos teñen catro patas, penso entón nos mundo que coñecín mais aló de Nois, da orixe de humanidade, vénme á punta da lingua a República Cartaxinesa, o florecemento do Nilo, Alexandría, Salomón, as augas do Mediterráneo…. Pero o poeta non me escoita, mellor dito e contesta:
Como nacín dunha onda,
Ó mar debo regresar
Cando chegue a miña hora.
Saltamos a outro tema. A política novo. Gústame escoitarlle despotricar contra o que os papeis lle chaman esquerda . Como é iso de que eses son de esquerda? De onde carallo sacas ti iso? E eu explícolle o que non sei con certeza, fai moito tempo que deixei a un lado as internacionais, que e un bo goberno, que loita polos pobres, que en fin…
Sempre compoño cancións.
Sempre da mesma maneira:
Musico as cores do albor,
mentres o mar pon a letra.
O home non sabe cando nin onde vai a nacer, pero se ten a potestade de decidir cando e por que causa desexa morrer. Illio Capocci. 1965.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
