NOTA DE PRENSA
Os populares presentaron unha emenda a unha iniciativa dos nacionalistas que, “despois de 44 meses de estar de brazos cruzados”, pedían que “o que antes se tiña que rematar en 6 anos agora este Goberno o remate en 3”, salientou Gómez Alonso
O BNG REXEITA UNHA PROPOSTA DE CRONOGRAMA DO GRUPO POPULAR PARA AXILIZAR CON PRAZOS REAIS O CORREDOR FERROL-SAN CIBRAO, QUE FOI PARALIZADO POLO BIPARTITO
* O portavoz de Infraestruturas do Grupo Popular defendeu os prazos comprometidos para o corredor polo conselleiro de Medio Ambiente no marco do Plan Move, de xeito que estea o 85% da obra en servizo no ano 2015, e lembrou que os nacionalistas “apoiaron co seu visto e práce a posta en servizo desta infraestrutura no 2020, no Plan Director de Estradas do Partido Socialista”.
Santiago, 10 de decembro de 2009.- O BNG rexeitou hoxe no Pleno do Parlamento unha proposta de cronograma do Grupo Parlamentario Popular dirixida a reafirmar a axilización, con prazos reais, das obras do Corredor Ferrol-San Cibrao, que foi paralizado polo Bipartito. Os populares presentaron unha emenda a unha iniciativa dos nacionalistas que, “despois de 44 meses de estar de brazos cruzados”, pedían que “o que antes se tiña que rematar en 6 anos agora este Goberno o remate en 3”, segundo salientou na súa intervención o portavoz de Infraestruturas do Grupo Popular, Alejandro Gómez Alonso
Gómez Alonso lembrou que o anterior Goberno do Partido Popular deixara listo en 2005 o estudio informativo e a declaración de impacto ambiental de todos os treitos entre Ferrol e San Cibrao e en redacción de proxecto construtivo os treitos San Sadurniño-Campo do Hospital, Variante de Ortigueira e Celeiro-San Cibrao. Sen embargo, despois de 4 anos, “o Bipartito tan só avanzou nos dous treitos que agora se atopan en obras –Variante de Ortigueira e Celeiro-San Cibrao-, o que supón tan só o 21 por cento do trazado”. O resto dos treitos, sinalou o deputado, “seguiron practicamente na mesma situación que se deixaron en 2005”.
O parlamentario engadiu que en xuño e agosto do ano 2008 o Bipartito suspendeu o contrato dos treitos San Sadurniño-Campo do Hospital, Campo do Hospital-AC-101 e Ramos-Covas, mentres que o resto dos treitos que van desde Espasante a Os Ramos e de Covas a Celeiro, “aínda se atopan en redacción de proxecto construtivo, despois de catro anos de Goberno Bipartito”. Igualmente, remarcou que “en catro anos, vostedes apoiaron unhas contas que consignaban un total de 16,9 millóns de euros e no momento do traspaso de poderes, en abril do presente ano, o Goberno galego tan só levaba certificado o 9,2 por cento dos orzamentos totais que consignou desde 2006, e agora vostedes aínda teñen a cara de decirnos que nós paralizamos a obra”.
PRAZOS
O portavoz de Infraestruturas do Grupo Popular defendeu os prazos comprometidos para o corredor polo conselleiro de Medio Ambiente no marco do Plan Move, de xeito que o 85% estea en servizo en 2015, e lembrou que os nacionalistas “apoiaron co seu visto e práce a posta en servizo desta infraestrutura no 2020, no Plan Director de Estradas do Partido Socialista”.
Os prazos contemplados na emenda fixan aposta en servizo dos distintos treitos nos prazos que se indica na continuación:
– Variante de Ortigueira: ano 2011
– Celeiro-San Cibrao: ano 2012
– San Sadurniño-Campo do Hospital: 2013-2015
– Viveiro Sur-Celeiro: ano 2014
– Campo do Hospital-AC101 e Covas-Viveiro Sur: ano 2015
– San Cibrao-Barreiros: ano 2015
e co compromiso de rematar a sobras entre Espasante e Covas antes do 2017.
Gómez Alonso subliñou que a iniciativa do BNG “chega tarde, por non dicir moi tarde, e ademais está chea en si mesma de contradiccións e erros”, xa que, “despois de catro anos, danse de conta de que esta vía de altas prestacións amosa considerables retrasos”, catro anos nos que o BNG estivo “cogobernando co PSOE en Galicia e apoiando os orzamentos do señor Zapatero en España” e tras os que os nacionalistas “denuncian que só dous dos seus tramos están licitados”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
