BURELA (FNC). Cos votos a favor de PSOE e BNG quedou aprobado no pleno celebrado hoxe o convenio de colaboración entre o Concello e a asociación Amigas e Amigos da Banda de Burela, para a promoción da banda de música. O alcalde, Alfredo Llano, asegurou que “así a banda contará con certa autonomía para organizar e realizar as súas cousas, pero sempre seguirá vencellada ao Concello. Penso que esto será moi positivo tanto para a banda como para o Concello”. Os populares votaron en contra deste punto.
Tamén quedou aprobado cos votos a favor do bipartito a solicitude á Xunta de Galicia para a construción dunha nova escola infantil en Burela. Segundo explica o rexedor “o PP presentou unha emenda a este punto, queríannos impoñer que no prazo de tres meses presentásemos un proxecto no que aparecesen recollidas as necesidades e os espazos cos que contamos para este fin. Nós rexeitamos esta emenda porque primeiro temos que saber si contamos con espazos na Casa do Mar e despois sería cando habería que facer unha proposta para adicar esas instalacións a escola infantil ou para as persoas maiores. Xa digo que rexeitamos unha emenda que ademais foi presentada cinco minutos antes do inicio do pleno, e quedou aprobado cos votos a favor de PSOE e BNG e os contrarios do PP o punto que ía a pleno”.
Na sesión ordinaria celebrada esta mañá no Concello de Burela sometéronse a debate e a aprobación dúas mocións presentadas polo populares. Unha relativa ao Plan E-2010 e outra ao pago das débedas a proveedores que poida ter o Concello. Alfredo Llano sinalou que “coa moción sobre o Plan E querían forzanos a convocar unha xunta de voceiros para analizar e debatir as obras que irán ao devandito plan. Só tiñan intención de condicionar esa xuntanza, porque días atrás xa lles comentei que non presentasen a moción porque non teño inconvinte en reunir aos portavoces para falar deste asunto. De momento non foi posible realizar ese encontro porque estamos traballando e vendo os proxectos que podemos incluir aí. A moción foi, polo tanto, rexeitada polo equipo de goberno”. O rexedor engadiu que “tamén votamos en contra da outra moción coa que pretendían que nos comprometésemos a pagar as débedas do Concello no prazo duns catro meses. Nós dixémoslles que hoxe por hoxe, sen saber os fondos cos que vamos a contar, sería irresponsable realizar ese compromiso, de aí que decidísemos rexeitar dita moción presentada polo grupo municipal popular”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
