CERVO .- A Área de Cultura e Deportes da Deputación, dirixida polo nacionalista Antonio Veiga, resolveu a concesión de axudas de apoio á actividade deportiva e cultural por un importe total de 53.746 euros, 3000 euros mais que o ano pasado. O número de solicitudes presentadas, tanto para actividades deportivas como culturais foron 25, unha mais que no exercicio 2008, distribuídas en 18 solicitudes para actividades e investimentos culturais por importe de 34.446 euros e 7 para investimentos e actividades deportivas por 19.300 euros.
O alto número de solicitudes presentadas demostra a vitalidade asociativa do municipio.
É de destacar que Cervo é o sexto concello con maior investimento na resolución de axudas competitivas para actividades e investimentos culturais e deportivos da Mariña e o cuarto por número de solicitudes presentadas,”son cifras que dan conta da vitalidade asociativa do concello, xa que das 25 solicitudes, 21 corresponden a clubs e asociacións”. O nacionalista resaltou o importante apoio económico recibido polos colectivos e asociacións con residencia social no concello para actividades desenvoltas maioritariamente dentro do ámbito municipal, mais tamén no conxunto da comarca. Dos 53.446 euros de axudas, 45.461 corresponden a clubs e asociacións deportivas e culturais e 8.285 a solicitudes presentadas polo goberno local; tódalas solicitudes foron atendidas coa excepción da dun club deportivo que pedía unha axuda para unha actividade cultural e que eles mesmos retiraron ao non estar incluída nos seus fins sociais.
De oficio prorrógase a realización de activades culturais con cargo á axudas 2009 até o 31 de marzo de 2010.
Debido ao retraso na resolución das axudas de cultura, a área de Cultura e Deportes aprobou na Xunta de Goberno celebrada o 11 de decembro, unha prórroga na realización de actividades culturais ate o 31 de marzo do ano 2010 e a súa xustificación até o 31 de xuño do mesmo ano, deste xeito permíteselles as entidades solicitantes a ampliación do prazo para as actividades e/ou investimentos culturais para os que solcitaron axuda económica que lle será notificada coa concesión da axuda.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
