LUGO .- O Presidente da Deputación, José Ramón Gómez Besteiro, acompañado da Directora Xeral de Cidadanía Española no Exterior, Pilar Pin, clausurará este mércores pola tarde o curso “Iniciativas Emprendedoras”, que impartiu o organismo provincial en Xenebra e estivo dirixido a emigrantes lucenses e ós seus descendentes asentados en Suíza. A acción formativa, de 6 semanas de duración, desenvolveuse dende o 9 de novembro ó 18 de decembro, e abre novas oportunidades de negocio para a provincia de Lugo.
Trátase dunha iniciativa pioneira da Deputación de Lugo, que busca o afianzamento das empresas e de emprendedores galegos que desempeñan a súa actividade laboral na cidade suíza. No curso, no que participaron 15 empresas, formouse ós empresarios nas ferramentas necesarias para elaborar un plan de mellora do negocio, ademais de tratar outros temas como a identificación do proxecto, tramitación administrativa, marketing ou financiamento.
No transcurso do acto, que se desenvolverá no local Social “A Nosa Galiza” e que contou coa asistencia de medio cento de empresarios, un alumno presentou o seu proxecto de empresa. Gómez Besteiro subliñou que “nesta cidade, a máis importante de Suíza despois de Zúrich, existe un amplo colectivo que quere investir en Lugo e en Galicia. A mellora dos negocios é algo ó que deben enfrontarse os empresarios, e isto faise máis difícil nestes momentos de crise económica. Con accións deste tipo a Deputación contribúe á creación de novas empresas e á mellora das existentes. É algo no que as administracións debemos implicarnos”.
Suíza é o lugar do mundo no que residen máis emigrantes galegos de primeira xeración, e en termos absolutos, a colonia galega no país helvético é a máis numerosa, despois de Arxentina. Segundo datos do censo electoral de españois residentes no estranxeiro (CERA) uns 30.000 galegos residen neste país, repartidos nas demarcacións consulares de Xenebra, Berna e Zúrich. Do total, un 25% son de Lugo.
Un éxito rotundo
Este curso xa se desenvolveu noutros países como Bos Aires e Uruguai. O titular provincial, quen explicará ós empresarios o Plan Estratéxico da Deputación que permite dar unha visión real e global da provincia, destacou que “é unha satisfacción saber que foi todo un éxito. Somos coñecedores de que estades contentos de como se desenvolveu esta iniciativa, que ademais de axudarvos na vosa faceta profesional, serviu para poñer en contacto a un grupo de persoas que compartides un vínculo moi importante ó ser descendentes de galegos ou de lucenses que estades afincados en Suíza. A partir da aquí créase un grupo de traballo estable para poder investir en Lugo”.
Entrevistas con máis empresarios
O Presidente da Deputación aproveitou a intensa viaxe dun só día en Xenebra para abrir novos mercados de negocio que xeren riqueza en Lugo. Neste senso, ademais de clausurar a acción formativa impartida nesta cidade polo organismo provincial, compartiu pola mañá unha xornada de traballo con presidentes e membros das xuntas directivas de Asociacións de Emigrantes en Suíza. Ademais de Pilar Pin, estivo acompañado do Canciller da Misión Española ante a ONU en Xenebra, Juan Cenzual, e do Conselleiro de Inmigración da Embaixada Española en Berna, José Ramón Manjón. O encontro produciuse nas instalacións da ONU, onde visitaron a Sala dos Dereitos Humanos e da Alianza das Civilizacións, na que se atopa a cúpula de Barceló que foi sufragada polo Goberno Central. Gómez Besteiro tamén estivo no Centro da Promoción da Cultura Galega en Lousane.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
