LUGO .- A delegada territorial da Xunta, Raquel Arias, participou nunha xornada sobre “A directiva de servizos da Unión Europea e as corporacións locais”. Raque Arias referiuse a directiva comunitaria relativa aos servizos no mercado interior, que está sendo obxecto de transposición á lexislación estatal e autonómica, supón “unha fortaleza” para Galicia, xa que “permitirá eliminar algunhas restricións actuais e romper barreiras legais e administrativas de cara a aumentar a competitividade no sector”.
Nota de Prensa
RAQUEL ARIAS CONTEMPLA A NOVA NORMATIVA EUROPEA DE SERVIZOS COMO “UNHA FORTALEZA” QUE MELLORARÁ O EMPREGO EN GALICIA
A delegada territorial inaugurou hoxe unha xornada sobre a directiva comunitaria, que coas modificacións da Lei de comercio interior que depara dotará aos galegos dun “marco actualizado e eficaz que protexerá o interese xeral” neste ámbito
Lugo, 21 de decembro de 2009.- A directiva comunitaria relativa aos servizos no mercado interior, que está sendo obxecto de transposición á lexislación estatal e autonómica, supón “unha fortaleza” para Galicia, xa que “permitirá eliminar algunhas restricións actuais e romper barreiras legais e administrativas de cara a aumentar a competitividade no sector”.
Así o expuxo a delegada territorial da Xunta, Raquel Arias, que hoxe inaugurou a xornada A directiva de servizos da Unión Europea e as corporacións locais, celebrada no salón de actos da Xefatura Territorial de Sanidade de Lugo.
Arias considerou que a aplicación da directiva europea en Galicia permitirá “de acordo coa Estratexia de Lisboa, incrementar a eficiencia, a produtividade e o emprego no sector servizos” así como “loitar contra a inflación económica ao axudar a que se reduzan os prezos que se pagan polos servizos”.
A delegada territorial asegurou tamén que a Lei de comercio interior, modificada ao abeiro do recollido na normativa europea de servizos, servirá para dotar a todos os galegos dun “marco actualizado e eficaz que protexerá o interese xeral” neste importante ámbito económico.
A xornada estruturouse nunha mesa redonda e o posterior coloquio, e contou coas intervencións de representantes de diferentes organismos e administracións, como o subdirector xeral de Rexime Xurídico Local, Borja Verea, ou o presidente do Colexio Oficial de Secretarios, Tesoureiros e Interventores de Lugo, José Antonio Carro.
Precisamente o subdirector xeral de Réxime Xurídico asegurou que o principal eixo da modificación da normativa no mercado interior con relación á ata de agora existente deriva “das disposicións que a propia directiva establece na regulación da liberdade de establecemento e prestación de servizos, e que conectan co respecto ao interese xeral, de xeito que sexa compatible compatibilizar a liberdade de apertura cun axeitado ordenamento do territorio que favoreza o desenvolvemento equilibrado e garanta o benestar de todos os galegos.
Os cambios introducidos, apuntou Verea, tamén cumpren cos obxectivos de simplificación administrativa requeridos pola directiva comunitaria, posto que “o procedemento para a obtención da autorización comercial autonómica integrarase no procedemento para o outorgamento da licenza municipal de actividade”. Ademais, o réxime de autorización previsto na modificación garante a proporcionalidade e a non discriminación entre empresas, con independencia da súa nacionalidade, procedencia, características e formato”.
O Consello da Xunta aprobou precisamente o pasado 3 de decembro o anteproxecto da lei que modificará 24 normas autonómicas para adaptalas a esta directiva, que pretende conseguir un auténtico mercado único de servizos na Unión Europea, eliminando os obstáculos legais que limitan o desenvolvemento de actividades do sector entre os Estados membros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
