BURELA (FNC) .- A Delegación de Igualdade de Burela pon en marcha unha campaña co lema Xoguemos a ser iguais. Segundo explica Neves Cando trátase “dunha campaña polos xoguetes e polos xogos non sexistas, porque cremos que o xogo é un elemento básico na vida das nenas e dos nenos, é a súa forma de comprender e asimilar o contorno no que viven, e tamén é un modo de medrar e de afirmar a súa identidade masculina e feminina”.
A edil nacionalista sinala que “cando xogan afianzan as súas capacidades e destrezas, afondan nas súas relacións interpersoais, comparten normas e regras e achéganse ao respecto e á cooperación entre iguais. E os xoguetes non son de nenos ou de nenas, xa que todos e todas poden xogar con todos os xoguetes, o importante é que se divirtan. E disto é do que pretendemos concienciar ás nais e pais coa nosa campaña, que cando elixan os xoguetes para os seus fillos e fillas teñan en conta que sexan para nenos ou para nenas indistintamente sen diferencias en función do sexo, que favorezan a súa autonomía persoal, que sexan variados e se adecúen ás preferencias persoais de cada neno e cada nena, que fomenten a creatividade, o desenvolvemento de habilidades que faciliten en resumo a relación, a comunicación e non empreguen a violencia. Elexir os xoguetes para as nenas e os nenos superando criterios sexistas é unha responsabilidade que non podemos eludir”.
A responsable da Delegación de Igualdade manifesta que “esta campaña que lanzamos polos xoguetes non sexistas compleméntase co obradoiro de xogos tradicionais e igualdade de oportunidades que se desenvolverá os días 4 e 5 de xaneiro de 11 a 13 horas para nenas e nenos de 6 a 12 anos. Trata a partir dunha serie de xogos tradicionais adaptalos a unha perspectiva de xénero incorporando novidades baseadas na aprendizaje cooperativa e coeducativa”.
Cando agarda que “esta campaña contribúa a seguir avanzando desde a fantasía e a creatividade en novos usos non discriminatorios do lecer e do tempo de ocio infantil a través de xoguetes e xogos, que divertindo, lles axuden a medrar en igualdade de oportunidades”.
A delegación de Igualdade do Concello de Burela impulsa a campaña “Xoguemos a ser iguais”
Relacionado
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
-
Arrincou en Ribadeo o ciclo de charlas da FCAM sobre o futuro laboral na Mariña
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
