XOVE .- O Concello de Xove, a través da Concellería de Agricultura, Gandería e Montes e do Departamento de Emprego e Desenvolvemento Local, organiza unha Xornada de Difusión e Promoción do Cooperativismo Agrario que terá lugar mañá venres, 13 de novembro, no Salón de Actos do Concello de Xove de 16:00 a 20:30 da tarde.
As persoas interesadas en anotarse nesta actividade tiveron a oportunidade de inscribirse (gratuitamente) no Departamento de Emprego e Desenvolvemento Local do Concello ata o pasado 6 de novembro. Rematado o prazo de inscrición, na Xornada apuntáronse 60 persoas, cifra moi importante para un evento deste tipo.
Na Xornada vanse tratar algúns dos seguintes temas: vantaxes e axudas dunha cooperativa, requisitos de constitución, estudo de viabilidade dunha cooperativa agraria en Xove, experiencias reais de cooperativas en Galicia… O Programa completo da mesma, é o seguinte:
-16:00 h.- Recepción de asistentes e entrega de documentación.
-16:15 h.- Presentación e Inauguración por parte do Alcalde Demetrio Salgueiro, acompñado da Concelleira de Agricultura Mª Dolores Meitín.
-16:30 h.- “Características, Vantaxes e Axudas dunha Sociedade Cooperativa” a cargo de Teresa González, Técnica de Formación e Xestión de Agricultura, Gandería e Economía Social.
-17:15 h.- Presentación do “Estudo de viabilidade dunha Cooperativa Agraria en Xove” a cargo de David Vila, Técnico de AGACA (Asociación Galega de Cooperativas Agrarias).
-18:00 h.- Pausa – café.
-18:30 h.- “Constitución dunha Sociedade Cooperativa” a cargo de Manuel Domínguez, Membro impulsor da UCAFE (Unión de Cooperativas de Ferrol).
-19:45 h.- “Análise dunha experiencia real cooperativa “ a cargo de Xavier Barcia, Xerente da Cooperativa Os Irmandiños de Ribadeo.
-20:30 h. Clausura e Entrega de Diplomas.
Os destinatarios/as desta xornada, son: persoas en alta no Réxime Agrario, pertencentes a asociación e colectivos, interesados no cooperativismo, alumnado de Obradoiros e Cursos relacionados co sector agrario, Persoal de entidades relacionadas co cooperativismo e / ou deenvolvemento rural, e persoas interesadas nesta materia en xeral.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
