Oxalá as televisións asturiana, portuguesa, castelán-lenesa e estremeña abriran unha corresponsalía na Mariña lucense e enviaran todos os días unha noticia sobre a nosa vida cotián (economía, política, sociedade, culturaà). Pouco me importa que o seu sinal se poida ver aquí. De feito, así ocorre cando sintonizamos unha canle de televisión dixital.
Pensar que un asturiano de Rivesella, Llastres, ou Cangas del Narcea (ou emigrado en Nova York ou Australia) poida saber de nós a través das emisións da TPA (ou outra calquera) é alentador. Se somos quen de ofrecer unha imaxe dinámica, con fermosas paraxes naturais, festas tradicionais e tamén eventos novos, de seguro non han evitar a tentación de facer un oco e achegarse ata a Mariña lucense cando veñan de visita a Asturies.
De ter un comercio ou un restaurante, ou calquera outra empresa, procuraría prestar atención e coñecer un pouco máis aos asturianos (ou portugueses, castelán-leoneses, estremeñosà). Así, tería elementos de xuízo cos que me comunicar con eles e poder atendelos mellor. E aínda que me sinta moi galego e defenda con uñas e dentes o noso caldo, hei de procurar coñecer como é o pote asturiano e, comprendendo a diferenza de xeito respectuoso, podereille amosar ben as calidades do caldo galego sen por iso desprezar o pote asturiano. Imaxinar que me están a colonizar porque agora coñezo tamén o pote asturiano éche moita pobreza, cando non síntoma de certa esquizofrenia política.
Os medios de comunicación poden ser importantes soportes nos que proxectar ao exterior a nosa riqueza económica, social e cultural. Son unha ventá ao mundo. No mercado global en que nos movemos, con tempos tan cambiantes, pecharse en clixés decimonónicos (algúns deles ben acartonados cos vellos tópicos de chistes sobre galegos) é un luxo que non nos podemos permitir. A nosa mocidade precisa futuro. A do Eo-Navia, tamén. E hai que ir construíndoo paso a paso.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
