fotos: Miguel Fraga Otero
FOZ / XOVE (M.F.O.) .-O C.B. Celtas-Primera Calidad logrou a súa primeira e ansiada vitoria, na decimoprimeira xornada da liga Primeira Nacional, fronte o Forjasa Rosalía, por 73 puntos a 71,aínda que non abandona a última posición. Pola sua parte o club de baloncesto Xove non puido facer fronte ao Ferroplast Basket Coruña e caeu por un contundente 75 a 43; segue manténdose decimoterceiro clasificado.
O Celtas xa estreou o seu casilleiro de vitorias fronte a un Forjasa Rosalia que so levaba un partido gañado. O encontro foi de alta tensión pois os dous equipos presentábanse como colistas da competición. Nos primeiros intres os de Foz tomaron o mando e empezaron gañando por 10 a 0 pero o Rosalía recompúxose rapidamente para chegar ao fin dos primeiros dez minutos so un punto por debaixo ( 26-25).
O segundo cuarto foi de dominio local e os focenses fóronse ao descanso cunha renda de dez puntos ( 48-38 ). Na reanudación, os santiagueses, moi enchufados, lograron un parcial de 0 a 14 pero o Celtas respondeu con outro de 14 a 5, para chegar ao último cuarto con cinco puntos de vantaxe.
No derradeiro tempo as envestidas visitantes e o mal acerto nos tiros libres dos locais provocou un final de infarto que finalmente se levou o Celtas por 73 puntos a 71.
Polo Celtas-Primera Calidad xogou: Miguel (3), Manuel, Sama (24), Diego (2), Manolo (12) – Lucas (7), Ramón (2), Brais (14), Humberto (9) e Aarón.
O C. B. Xove non puido plantarlle cara ao Ferroplast Basket Coruña, en boa medida polas numerosas baixas que están a lastrar o equipo. O marcador ( 75 – 43 ) evidencia o mal momento que están a pasar os de Xove que, coa desta fin de semana, acadan a quinta derrota consecutiva.
A próxima xornada o Celtas viaxa a Narón para enfrontarse ao líder e o Xove recibe ao Canteiras de Porriño que esta situado na zona media da clasificación
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
