A MARIÑA .- Segundo os datos da Unidade de Promoción e Desenvolvemento do Pacto Territorial de Emprego da Mariña (UPD), no mes de outubro o paro aumentou en 286 persoas na zona do Pacto Territorial. Este valor tradúcese nun aumento porcentual do 7,59%, case que un punto porcentual inferior ao aumento rexistrado no mesmo mes do ano anterior, no que o paro aumentara o 8,78%. A zona do Pacto Territorial comprende os concellos de Alfoz, Barreiros, Cervo, Foz, Xove, Lourenzá, Mondoñedo, Muras, Ourol, A Pontenova, Ribadeo, Riotorto, Trabada, O Valadouro, O Vicedo, Viveiro e Burela.
