Nota de Prensa
Socialistas e nacionalistas deberían entoar o “mea culpa” despois de que nos catro últimos anos os trámites administrativos da Vía de Altas Prestacións entre Ferrol e Barreiros non teña avanzado
OS POPULARES BOTAN EN FALTA AUTOCRÍTICA NAS FORZAS DO BIPARTITO POLO ATRASO QUE ACUMULA O CORREDOR DA COSTA
• Nin a Xunta bipartita, nin o Executivo de Zapatero foi quen, ata o momento de iniciar as obras desta vía en ningún dos treitos lucenses.
• Os populares preguntan ao PSOE como é posible concibir o corredor como unha vía estratéxica para a dinamización social e económica de Galicia á vez que desde o Goberno socialista central tan só achegan 10.000 euros para o treito estatal, fronte aos 40 M€ que prevé a Xunta.
A Mariña, 27 de novembro de 2009.- O Partido Popular da Mariña bota en falta certo nivel de autocrítica por parte das forzas do bipartito tendo en conta o enorme atraso que acumula o proxecto de construción do corredor da costa. En opinión da formación política popular tanto socialistas como nacionalistas deberan ter a valentía de entoar o mea culpa e recoñecer a súa grande responsabilidade nesta situación, despois de que nos catro últimos anos os trámites administrativos para a posta en marcha dunha vía de altas prestacións (VAP) entre as localidades de Ferrol e Barreiros non teñan avanzado nada.
NIN UN SÓ QUILÓMETRO EN OBRAS
Os populares lembran que nin a Xunta bipartita nin o Executivo de Zapatero foi quen de, ata o momento, iniciar as obras desta vía en ningún dos treitos lucenses, iso a pesar de que dispuxeron de consignación orzamentaria cada un dos anos nos que estiveron no Goberno. “Prevían investir cartos e recursos públicos no corredor pero non o fixeron, e agora en vez de recoñecer a súa responsabilidade, botan balóns fóra e pretenden culpabilizarnos a outros”.
CARA DURA SOCIALISTA
Desde o Partido Popular da Mariña preguntan ao PSOE como é posible que, despois de afirmar que conciben ao corredor como unha vía estratéxica para o crecemento e dinamización social e económica de Galicia, desde as administracións nas que teñen ou tiveron responsabilidades de Goberno non foron que de investir un só euro. De feito creen que mostra da cara dura do PSOE está en que no 2010 o Goberno socialista central tan só prevé achegar para o treito estatal do corredor, 10.000 euros. Unha cantidade moi inferior aos 40 millóns de euros que prevé investir a Xunta. “Ou poñen sobre a mesa os mesmos cartos para o corredor ou mellor que estean caladiños, por vergonza”
PP: COMPROMISO COA MARIÑA
Convencidos de que socialistas e nacionalistas lonxe de poñerse na postura de reivindicar terían que pedir perdón aos veciños da Mariña, os populares da nosa comarca asumen o compromiso de traballar arreo para axilizar estas actuacións e para que o corredor da costa deixe de ser unha liña imaxinaria sobre o papel e os planos para pasar a ser “unha realidade próxima, unha nova estrada acorde co século no que vivimos e da que poidan beneficiarse veciños, empresas e visitantes da nosa comarca”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
