BURELA .- Carolina García e Olga Castro do Observatorio da Mariña pola Igualdade imparten unha charla no IES Monte Castelo de Burela sobre “Violencias visíbeis… e invisíbeis: da publicidade ao aborto”. Esta actividade enmárcase dentro dos actos de sensibilización contra a violencia de xénero.
Nota de Prensa
O Observatorio da Mariña pola Igualdade estará hoxe pola tarde no IES ‘Monte Castelo’ para dar unha charla sobre “Violencias visíbeis… e invisíbeis: da publicidade ao aborto”
A actividade formativa, na que participarán Carolina García e Olga Castro, enmárcase dentro dos actos de sensibilización contra a violencia de xénero
A partir das 17.15 horas as membras e directivas do Observatorio Carolina García e Olga Castro estarán no IES Monte Castelo de Burela para impartir a charla “Violencias visíbeis… e invisíbeis: da publicidade ao aborto”. O obxectivo desta actividade, promovida polo profesorado do centro educativo en colaboración co Observatorio da Mariña pola Igualdade, é achegarlle ás mozas e mozos unha visión global sobre a violencia de xénero desde un enfoque de prevención. Con este obxectivo, tratarase de amosar que mentres que hoxe se fala moito da violencia de xénero máis explícita (aquela que acaba en agresións físicas ou asasinatos de mulleres), as verdadeiras causas que son caldo de cultivo para esta violencia radican na construción dos roles de xénero dunha forma moi discriminatoria para as mulleres.
Por iso, as relatoras tratarán de desenmascarar algunhas violencias contra as mulleres que na actualidade aínda permanecen máis invisíbeis, pero a través das que se van construíndo estas percepcións discriminatorias sobre as mulleres que acaban en formas de violencias máis explícitas. Entre elas, destacarán o papel dos medios de comunicación, da publicidade, da linguaxe sexista e da negación ás mulleres a decidiren sobre o seu propio corpo, por exemplo no caso do aborto. A este respecto, destacarase como as cuestións dos dereitos das mulleres poden avanzar pero tamén retroceder, pois por exemplo no ano 1936 a ministra Federica Montseny aprobara en España unha lei do aborto que o contemplaba como dereito na sanidade pública e de forma gratuíta. Hoxe, 73 anos despois, aínda estamos ás portas de volver recuperar ese dereito que nos quitaron.
A actividade formativa enmárcase dentro dos actos de sensibilización contra a violencia de xénero que teñen en marcha tanto o Observatorio da Mariña pola Igualdade como o centro educativo IES Monte Castelo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
