CERVO .- Os campionatos de tute e parchis e os obradoiros de memoria que estaba previsto desenvolver o presente mes de novembro nos distintos núcleos de poboación do municipio vanse a celebrar finalmente en xaneiro, á volta das datas de Nadal, según indicou a concelleira de Asuntos Sociais, Pilar Armada.
Nota de Prensa
OS CAMPIONATOS DE TUTE E PARCHIS E OS OBRADOIROS DE MEMORIA APRÁZANSE ATA XANEIRO
Cervo, 27 de novembro de 2009.- A concelleira de Asuntos Sociais, Pilar Armada, anunciou hoxe que os campionatos de tute e parchis e os obradoiros de memoria que estaba previsto desenvolver o presente mes de novembro nos distintos núcleos de poboación do municipio vanse a celebrar finalmente en xaneiro, á volta das datas de Nadal.
Segundo indicou Armada, o motivo fundamental de pospoñer estas actividades, foi a dificultade para coordinar e compaxinar os horarios e calendarios dos campionatos e obradoiros coas actividades programadas para as datas de Nadal “e por iso decidimos esperar á volta das festas e poder así ter máis marxe para levar adiante estas actividades” indicou.
Deste xeito, os interesados e interesadas en participar nos campionatos de Tute, parchis e nos talleres de memoria terán de prazo para inscribirse dende o día 1 ata o 30 de decembro na Casa da Cultura de San Ciprián e polas tardes (de 16.30 a 19.30 h.) no centro social de Cervo (antigo Concello).
Nos campionatos de tute e parchis poderán participar homes e mulleres de tódalas idades e desenvolverase mediante o sistema de liguiña que se desenvolverán en Cervo, San Ciprián e nos distintos locais sociais da zona rural. As parellas interesadas en participar nestes campionatos poderán consultar as bases na Casa da Cultura e no momento da inscribirse recibirán unha copia das mesmas.
OBRADOIRO DE MEMORIA
As organizadoras salientaron a celebración por segundo ano consecutivo dos “Obradoiros da Memoria” que se impartirán nas aldeas do municipio ao igual que se fixera na pasada edición.
Nestes obradoiros de memoria poden participar veciños maiores de 50 anos que desexen reforzar a súa capacidade de retención de ideas, recordos e imaxes. Neles perséguese ademais fortalecer as áreas de lingua e aritmética mediante a exercitación da lectura e a realización de operacións matemáticas, tarefas que serven a modo de ximnasia para o cerebro.
Ao igual que os campionatos, os interesados en participar nos “Obradoiros da Memoria” poden ampliar información e formalizar a súa inscrición na Casa da Cultura de San Ciprián.
Estas actividades enmárcanse dentro do programa “Ao teu carón” posto en marcha polo Concello de Cervo co obxecto de dinamizar a actividade lúdica e social nas distintas parroquias do termo municipal.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
