NOTA DE PRENSA
O Portavoz do Bloque Nacionalista Galego no Concello de Alfoz, Iván Marrube, voltou a reiterar a súa denuncia sobre a falla de compromiso do Partido Popular en relación co Parque Empresarial do Valadouro Alfoz na medida en que os populares non só retiraron esta actuación dos Orzamentos da Xunta de Galiza de 2010 senón que mesmamente se negan a rectificar a fin de facer posíbel a execución das obras. “O PP na era Fraga negouse a dar pasos para que esta actuación se convertese nunha realidade, unha vez que a acción de Goberno na Xunta de Galiza do BNG puxo en marcha o Polígono parecíalle que ía demasiado lento, e agora que volven a Gobernar eles o primeiro que fan é paraliza-lo e manda-lo ao baúl dos recordos” afirmou Marrube.
O Portavoz Municipal do BNG en Alfoz advertiu que non hai ningún tipo de razón de orde técnico ou legal que impida a execución do polígono, tal como quixeron facer crer algúns, de feito a súa execución xa se plantexaba por fases atendendo a diferente situación respecto do planeamento no Concello de Alfoz e de Ferreira. “A propia Lei de Medidas Urxentes, aprobada polo bipartito, permitía a modificación de usos, mesmamente do rústico común, sempre que o seu fin fose industrial ou para vivenda protexida polo que a ausencia de planeamento en Alfoz non é máis que unha escusa” recalcou Marrube que lamentou que o Grupo do PP neste Concello antepuxo os intereses do Concello e dos seus veciños aos do seu partido en Compostela.
Iván Marrube afirmou que “os nacionalistas consideramos que o PP ao paralizar o Polígono do Valadouro e de Alfoz o que está e cortar as posibilidades de desenvolvemento económico do Concello, impedindo que este opere como un imán de empresas, posto que o prezo do solo era dos máis competitivos da Comarca, ao mesmo tempo que pon en risco o mantemento no Concello doutros proxectos empresariais.” Na mesma liña o nacionalista preguntouse por que lle toca ao Valadouro ser o pagano dos recortes que fai Xestur, recalcando que “nun momento de crise económica non se pode estar a xogar coas cousas de comer, porque a maiores das posibilidades de futuro que se perden, tamén se perden posibilidades de presente na medida que esta obra significaba un investimento de case 4 millóns de euros para este ano e que a súa execución ía crear movemento económico no Concello, tanto en empregos directos como en actuacións asociadas”
Marrube anunciou que os nacionalistas imos a exercer toda a presión social e política posíbel de cara a que o Goberno Galego respecte o cronograma fixado nos orzamentos da Consellaría de Vivenda do 2008 e neste sentido imos solicitar a través dunha proposición non de lei no Parlamento de Galiza esta cuestión. Na mesma liña o Grupo Parlamentario do BNG vai presentar unha emenda aos Orzamentos da Xunta a fin de que o investimento se garanta. “Non é de recibo que o noso Concello deixe de existir nos Orzamentos da Xunta e máis cando estamos a falar dunha obra desta entidade. Parece que Alfoz non é un Concello amigo para a Xunta de Galiza e non estaría de máis que se nos explicase por parte do PP a que outro Concello se pretende beneficiar impedindo que Ferreira e Alfoz non conte co seu parque empresarial” recalcou Marrube.
Xa por último o Portavoz Nacionalista afirmou que “aínda estamos a tempo de mudar o futuro que o PP ten trazado para o Parque Empresarial do Valadouro – Alfoz, isto é, unha posición clara do Concello é un voto, o do Parlamentario do PP pola Mariña que en campaña electoral comprometera axilizar a execución do Polígono.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
