RIBADEO (FNC) .- O alcalde de Ribadeo, Fernando Suárez, amósase moi satisfeito das obras que Portos está a realizar en Porcillán e anuncia que a zona quedará cortada ao tráfico, durante dúas semanas, a partires do vindeiro luns 30 de novembro.
Suárez Barcia sinalou que “estánse levando adiante unhas obras moi importantes para a fachada marítima, para o borde portuario de Ribadeo que realiza Portos de Galicia e nas que inviste un millón de euros. O prazo de execución é de 8 meses. Síntome satisfeito por esta inversión e un pouco responsable de que fora adiante dado que esta actuación, hai máis ou menos un ano, estaba paralizada con vocación de que por parte da Comisión de Patrimonio se tirara abaixo por unha serie de inconvenientes. Me alegro de que todas as xestións que no seu momento tiven que facer diante desa comisión para lograr que o proxecto fora informado favorablemente foran ben, agora vemos o resultado e dentro de pouco veremos como vai quedar toda esa zona”.
O rexedor anunciou que “a partires do luns e aproximadamente durante dúas semanas ese tramo de vía pública vai quedar cortado ao tráfico rodado porque se vai levantar toda a calzada, polo que onte mesmo estivemos coa Policía Local e a empresa adxudicataria e coincidimos en que o máis recomendable para acelerar os traballos era cortar o tráfico, aproveitando que agora non hai tantos turistas nin tanto tráfico, e así se poidan facer con comodidade esas obras. Supoño que será un incordio para os veciños que circulan por esa zona de xeito habitual, pero como sempre decimos para facer tortilla hai que romper ovos”.
Fernando Suárez engadiu que “ao mesmo tamén aproveitando estas obras vanse facer unha serie de melloras de cara á conexión do saneamento coas actividades portuarias e de restauración que non estaban contempladas no proxecto, pero desde Portos foron sensibles a esta demanda do Concello así como tamén a situación dun aliviadeiro que ten Ribadeo desde hai uns 40 anos e é moi probable que sexa resolto dunha vez por todas”.
O alcalde Ribadeo considera moi importantes as obras que realiza Portos en Porcillán
Relacionado
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
-
Arrincou en Ribadeo o ciclo de charlas da FCAM sobre o futuro laboral na Mariña
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
