NOTA DE PRENSA:
Os nacionalistas préganse de novo aos intereses do PSOE e renuncian a impoñer ao Goberno central a achega de máis cartos para a futura vía que enlazará San Ciprián coa autovía do Cantábrico en Barreiros
OS NACIONALISTAS LEVAN SEIS ANOS ENGANANDO AOS VECIÑOS DA MARIÑA TRAS AVALAR AS CONTAS DE ZAPATERO NIN HAI MÁIS CARTOS PARA O CORREDOR, NIN ESTES SE EXECUTAN
* A abstención do BNG salva por sexto ano consecutivo as contas do Executivo socialista pese a que só contemplan 10.000 euros para o treito estatal do corredor
* Os populares lembran ao BNG que formaba parte dun Goberno, o da Xunta bipartita, que non executou nin un só euro do orzamento comprometido para o treito autonómico do corredor
A Mariña, 12 de novembro de 2009.- Por sexto ano consecutivo a abstención do Bloque Nacionalista Galego, neste caso no debate en Comisión dos Orzamentos Xerais do Estado, permite salvar as contas de Zapatero para o ano próximo. De novo os nacionalistas préganse aos intereses do PSOE e renuncian a impoñer ao Goberno central a achega de máis cartos para a futura vía que enlazará San Ciprián coa autovía do Cantábrico (VAC San Ciprián-Barreiros).
No BNG levan seis anos enganando aos veciños da Mariña. Anos durante os que apoiaron a investidura de Zapatero e avalaron os seus orzamentos. No pasado quixeron facernos cree que lograron 500.000 euros máis do Goberno central para desbloquear o corredor, cando o certo e que esta cantidade nunca se executou e que hoxe o treito estatal desta vía ten menos orzamento que o comprometido no último ano de Goberno do PP no Estado. Os nacionalista teñen permitido esta situación porque actúan como mamporreros de Zapatero.
A posición dos nacionalistas puidera ser determinante para vetar os Orzamentos do Estado e esta condición permitiría ao BNG pactar emendas positivas para a nosa comarca. Desafortudamente un ano máis o BNG da alento ao Goberno socialista central, impedindo a censura dunhas contas que tan só achegan 10.000 euros para o treito estatal do corredor e que esquecen por completo a desexada apertura do dique norte de Alcoa.
Os populares foron moi críticos coa posición mantida polos nacionalistas que ano tras ano afirman que condicionaran o seu apoio ás contas estatais á que o PSOE comprométase a achegar máis cartos para a Mariña pero que, cando chega o momento decisivo, acaban apoiando a Zapatero sen acadar ningún proxecto a cambio que beneficie á nosa comarca.
RECUPERAR A MEMORIA
Desde o PP da Mariña emprazan ao BNG a recuperar a memoria e pídelles que non esquezan que os nacionalistas formaban parte dun Goberno, o bipartito da Xunta de Galicia, que non foi quen de executar nin tan sequera un só céntimo, un só euro, do orzamento comprometido para levar adiante o corredor da Costa no seu treito autonómico.
Polo tanto, con pouca lexitimidade poden falar aqueles que durante catro anos desde a Xunta esqueceron por completo investir o necesario para o corredor da costa. Situación que contrasta co compromiso adoptado polo Goberno actual de Núñez Feijóo, que non só adxudicou as obras do primeiro treito (entre Celeiro e San Ciprián) senón que tamén executará o diñeiro comprometido para esta actuación durante o 2010. O presidido por Núñez Feijóo non é un Goberno sobre o papel, senón de feitos, como así demostraremos
En todo caso, no Partido Popular comarcal están convencidos de que o dirixente nacionalista na Mariña, Antón Veiga, non sabe mirar nin entender os orzamentos e continuamente confunde conceptos. Lamentan o seu escaso peso político dentro da formación nacionalista que se pon de relevo en casos como este, nos que o BNG acaba salvando as contas de Zapatero sen acadar ningún compromiso concreto en beneficio da Mariña.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
