Nota de Prensa
A mocidade nacionalista non considera tolerábeis as taxas de desemprego na comarca entre os menores de 30 anos
Bernardo Fraga eleito Responsábel Comarcal de Galiza Nova
A Asemblea Comarcal de Galiza Nova da Mariña decidiu escoller por unanimidade como Responsábel Comarcal ao viveirense Bernardo Fraga que até a data xa viña facendo parte da Dirección nacional da organización Xuvenil do BNG así como do Consello Local do Bloque en Viveiro.
Fraga Galgo, aparellador de profesión, natural de Viveiro, cun ampla experiencia no traballo no movemento xuvenil, ao sumir a máxima responsabilidade da organización xuvenil do BNG na Mariña pasará a integrar o Consello Comarcal do BNG.
Na súa intervención diante da asemblea de afiliados que o elixiron, nunha reunión celebrada o Sábado en Foz, o Portavoz Comarcal de Galiza Nova anunciou que no vindeiro período destinará os seus esforzos a revitalizar socialmente a estrutura comarcal de Galiza Nova. Bernardo Fraga destacou que “Galiza Nova é a primeira organización xuvenil da comarca, tanto en número de afiliados como en presenza territorial, do que se trata agora é de verquer toda esa enerxía cara a sociedade para dar resposta as políticas dunha Xunta que Goberna contra a xente moza”.
Os mozos nacionalistas debateron durante a xornada de onte sobre as consecuencias que a crise está a provocar entre a mocidade da comarca, neste aspecto Fraga foi concluinte ”non imos permitir que se xa a mocidade quen pague unha crise que non provocou. O noso obxectivo número un é a loita pola emprego, pois non é tolerábel que na Comarca da Mariña nos situemos nuns niveis de paro entre os menores de 30 anos que xa superan o 30%. Detrás de cada mozo parado hai un drama persoal, porque hai unha hipoteca que non se pode pagar, un crédito cuxas cotas non se cobren ou un descuberto bancario. Para nos o desemprego non é mera estatística e nese sentido queremos facer un chamamento aos poderes públicos para que a creación de emprego pasa a ser unha prioridade. A Xunta non pode mirar neste tema para o outro lado”.
Na mesma liña Fraga Galdo alertou que son tamén precisamente os mozos os que apandan na comarca coas maiores taxas de temporalidade e de precariedade do mercado laboral. Así afirmou que mesmamente é maior tamén o descenso de desemprego no réxime especial de autónomos para os menos de 30 anos o que leva a mocidade nacionalista a preguntarse onde está apolítica de auto-emprego e de apoio ao que eles chaman emprendedores do Goberno Feijoo.”O único apoio co que se atopa un mozo que quere montar un negocio é cos pais ou cos abos, se ten que agardar pola Xunta xa pode esperar”, recalcou Bernardo Fraga.
O Responsábel Comarcal de Galiza Nova denunciou tamén que a política de austeridade do PP teñen nos mozos un obxectivo preferente. “Para a Xunta austeridade son menos becas, menos diñeiro para formación non regrada, menos oferta educativa, para nos iso son políticas carcas que o que fan é introducir un elemento de desigualdade en función da idade ou da clase social” afirmou Bernardo Fraga quen acusou a Feijoo de criminalizar a mocidade galega, posto que o único verbo que conxuga con nos é prohibir.
Xa por último a Asemblea Comarcal de Galiza Nova acordou iniciar unha campaña de expansión organizativa na perspectiva de aumentar a filiación entre os estudantes de ensino secundario.”Esta xeración de estudantes de secundaria é a que lle toca sufrir o modelo de Boloña, modelo privatizador que exclúe do ensino superior a moitos mozos, polo que ese modelo debe ser modificado” rematou o Portavoz nacionalista.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
