RIBADEO (FNC) .- Concello e centros de ensino de Ribadeo poñen en marcha a quinta edición da campaña Un futuro por compartir en igualdade, coa que pretenden sensibilizar aos rapaces en todas as etapas educativas coincidindo coa celebración, o 25 de novembro, do día internacional contra a violencia de xénero. A concelleira da Muller, Mariluz Álvarez Lastra, agradeceu aos centros a súa colaboración “porque sin eles sería imposible levar adiante esta iniciativa, xa que por moitas propostas que nós fixéramos senón fosen ben acollidas non poderían levarse adiante”.
Os obxectivos da campaña céntrase en descubrir a importancia que exercen os estereotipos na configuración da personalidade dos nenos e nenas, en fomentar a participación igualitaria nas tarefas e actividades no ámbito privado e público, e en potenciar a educación en igualdade de oportunidades entre o estudantado.
Un futuro por compartir arrinca mañá 20 de novembro nos colexios Gregario Sanz e Sagrado Corazón cunha sesión de contacontos Canto conta a igualdade a cargo de Manolo Panforreteiro para os alumnos de 3º de educación infantil. A quinta edición desta campaña desenvolveráse entre os meses de novembro de 2009 e maio de 2010. Haberá obradoiros de coeducación para os nenos de primaria, obradoiros de sexualidade e afectividade impartidos polo centro Quérote de Burela. Éstes serán en novembro para os rapaces de 3º da ESO e en xaneiro para 6º de primaria e 4º da ESO.
Álvarez Lastra suliñou que “unha das novidades desta ano é un concurso de guións cinematográficos destinado aos alumnos de secundaria. Terán que empregar o cine como ferramenta didáctica para a prevención da violencia de xénero, utilizando para iso ideas innovadoras que axuden a erradicar esta problemática”. Volta tamén nesta edición o concurso A mocidade a debate “co que se pretende coñecer a visión da mocidade sobre temas como xuventude, igualdade, drogas ou sexualidade. Está dirixido ao alumnado de 2º ciclo da ESO, bacharelato e ciclos dos centros educativos de Ribadeo. Entre os traballos presentados seleccionarase como mínimo un traballo por centro. Os dous mellores recibirán como premio 600 e 400 euros. Os traballos terán que entregarse ata o 26 de marzo no CIM ou na OMIX de Ribadeo”.
E o 8 de marzo terá lugar unha representación teatral de Neuras, a primeira obra que se estrea de Mª Xosé Queizán, unhas das escritoras máis recoñecidas da literatura galega. Ademáis ao longo do 2010 desenvolveranse máis actividades dirixidas ao alumnado utilizando diferentes metodoloxías como a lectura, o cinema…
A campaña Un futuro por compartir en igualdade está organizada pola Concellaría da Muller, o CIM e a OMIX de Ribadeo. Colaboran: os colexios Gregorio Sanz e Sagrado Corazón de Xesús, IES Dionisio Gamallo Fierros, Porta de Auga e Ciclo de Formación Profesional Porta da Auga.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
