BURELA (FNC) .- Proxeccións cinematográficas, soltas de globos, actividades nos centros de ensino e a terceira edición do concurso de microrelatos son as actividades organizadas polo Concello de Burela para celebrar o día internacional contra a violencia de xénero. A programación que se desenvolverá durante os meses de novembro e decembro foi presentada este mediodía pola edil de Igualdade.
Neves Cando sinalou que “un ano máis Burela quere levantar a súa voz pola xustiza de xénero, porque a violencia contra as mulleres non é unha cuestión privada senón que é un problema de todas e de todos. É unha conduta aprendida que se pode modificar e por iso queremos incidir nos nosos nenos e nenas, nos nosos mozos e mozas para que a educación na igualdade e na resolución pacífica dos conflitos sexan pasos básicos para previr a violencia contra as mulleres”
A concelleira nacionalista dixo que “desde a Delegación de Igualdade queremos facer que se visualice o compromiso de todas e todos diante desta lacra social que supón a violencia machista, e para isto organizamos unha serie de actividades e actos para desenvolver ao longo deste mes de novembro e tamén en decembro. Comezamos coa convocatoria da terceira edición do concurso de microrelatos co tema da violencia contra as mulleres como eixo central. Esta proposta literaria fáise ao alumnado dos nosos institutos e ao público en xeral para que antes do día 20 de novembro entreguen os seus traballos aquí na Biblioteca Pública ou na Casa da Xuventude. Agardamos que se manteña ou que se supere a participación das dúas edicións anteriores nas que contamos con máis de 20 relatos enviados. Unha vez que se reúna o xurado procederáse á entrega dos premios coincidindo, ese mesmo día, coa presentación e entrega dos folletos cos relatos gañadores da edición do ano pasado”.
Cando anunciou que “durante este mes de novembro e parte de decembro queremos achegarnos tamén aos centros de ensino para traballar cos nosos rapaces e rapazas, a igualdade, a tolerancia ou a coeducación como pilares básicos para facer do noso futuro e do seu futuro un mundo máis xusto para as mulleres. Nos institutos traballaremos con niveis educativos concretos e nos colexios de primaria queremos que todos os cursos teñan participación nesta actividade, que agardamos esperte nos nosos rapaces e rapazas un momento de reflexión”.
Libro de sinaturas
O propio 25 de novembro, día internacional contra a violencia de xénero, “temos proxectado acudir aos dous colexios de primaria do noso concello para ás 12 do mediodía facer co alumnado destes centros unha solta simbólica de globos polas mulleres víctimas da violencia de xénero deste 2009. Esta solta repetirase á unha do mediodía na praza do Concello para todo o pobo de Burela, polo que aproveitamos para convidar a todos a asistir a este acto que tamén incluirá unha sinatura pública e colectiva no libro de firmas contra a violencia de xénero que durante este mes de novembro está no noso Concello. Este libro é unha iniciativa do Concello de Betanzos que comezou a súa andaina na Mariña, primeiro en Ribadeo e despois en Barreiros e en Foz. Agora tócalle a quenda ao pobo de Burela para manifestar coa súa sinatura a repulsa contra esta violencia machista. Xa son máis de 200 persoas as que pasaron polo Concello para asinar e agardamos que o día 25 nese acto na praza do Concello todo o pobo de Burela se sume tamén”, seguiu a contar a responsable de Igualdade no Concello de Burela.
Neves Cando subliñou que “o mércores 25 e o xoves 26 realizaremos dúas proxeccións cinematográficas en colaboración co Observatorio da Mariña pola Igualdade para coñecer tamén o que lle sucede a outras mulleres no mundo. Trátase de dúas películas que denuncian a situación das mulleres nos seus países, outros anos centrámonos na realidade máis occidental e este ano escollemos dous filmes distintos. Mooladé, un alegato a favor dunha sociedade africana máis xusta e con menos violencia contra as mulleres, porque cada minuto catro nenas son vítimas no mundo da mutilación total ou parcial dos seus xenitais. E a segunda película é Grbanica, el secreto de Esme, que fai referencia aos miles de mulleres musulmáns que foron torturadas e violadas durante a limpeza étnica orquestrada polo serbio Milosevic, e esta é a historia dunha destas mulleres”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
