LUGO .- Benestar Social, dirixida pola nacionalista María Xosé Vega, demostra o seu apoio ás políticas sociais con feitos, diferenciándose das prácticas clientelares que adoita levar a cabo o Partido Popular.
O responsábel local do BNG de Xove, Marco López, manitestou onte que desde a formación nacionalista levan agardando preto dun mes a que o actual executivo xovense se posicione dalgún xeito a respecto das subvencións aprobadas o pasado día 30 de outubro pola Deputación Provincial de Lugo, en sesión ordinaria presidida polo Vicepresidente nacionalista Xosé Antón Bao, onde se acordou conceder ao Concello de Xove máis de 130.000 euros. Este diñeiro deberá ser destinado aos gastos correntes ou inversións en actividades relacionadas coa conciliación familiar e laboral e mais coa asistencia á xente maior das parroquias de Monte, A Rigueira, Lago, Sumoas, Portocelo, Morás, Xuances e o propio Xove.
“Non entendo que o equipo de goberno deste Concello adule unha vez ao ano a esmola achegada desde a administración do PP e, en troques, cando os gobernos do BNG dan unha subvención como Deus manda, calen a boca”, declarou Marco López, que elixiu este e outros exemplos para xustificar a necesidade de contar cunhas administracións con ética colectiva e co compromiso de “reivindicar con estas actuacións de política responsábel o que veñen ser os alicerces das nosas actuacións alí onde gobernamos: transparencia, vontade de servizo público e compromiso co benestar sen termos en conta a cor política dos concellos”.
López, desde o seu cargo orgánico no Bloque Nacionalista Galego local, valorou moi positivamente a inxección económica que supón esta nada despreciábel cantidade de cartos que percibirá Xove e que se desglosa, máis polo miúdo, en amplas partidas destinadas ao Servizo de Axuda a Domicilio (80.388€), lecer de nenos e nenas (1.449,35€), mantemento do Punto de Atención Infantil (41.163,48€) e para a mellora e acondicionamento dos Parques Infantís (7.356,11€).
Para rematar, Marco López incidiu en que “as nosas administracións non quedan na teoría ou na promesa sen contido tal e como demostran os feitos” e que, asemade, pasan á fiscalización responsábel do investimento público unha vez outorgadas as subvencións “coa finalidade de que o gasto se aplique nos servizos aos que foi destinado en orixe”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
