LUGO .- A Deputada da Área de Economía, Regina Polín, anunciou este xoves, durante a inauguración da xornada informativa Profesionalización do turismo medioambiental, que o organismo provincial porá en marcha da marca Lug02. Regina Polín subliñou que “se trata dun distintido de calidade propia para os establecementos dos 37 Concellos pertencentes ás Resevas da Biosfera e do Courel”.
A responsable da Área de Economía explicou que “a Deputación está a traballar nesta marca que obterán os servizos de aloxamento, os comercios, ou os restaurantes, que cumpran as Normas de Calidade Turística, e outros criterios que estamos a pechar”.
Esta iniciativa enmárcase dentro do proxecto europeo Lug02, e irá ligada coa xestión medioambiental das empresas, ou coa aplicación das novas tecnoloxías. Regina Polín salientou que “o obxectivo é que Lugo sexa tamén un referente dentro do turismo rural, un sector piar da economía en Galicia. O 55% da superficie da nosa provincia é Reserva da Biosfera o que nos ofrece oportunidades únicas. Todos xuntos temos que apostar pola economía verde e o desenvolvemento de Lugo”.
A xornada informativa Profesionalización do turismo medioambiental que se desenvolveu no Salón de Actos do Pazo de San Marcos, contou coa presenza de representantes dunhas 30 empresas luguesas. Durante o encontro, abordáronse as liñas de actuación de Lug02 encamiñadas a que a ampla oferta turística rural de Lugo vaia en paralelo co desenvolvemento económico da zona.
Lug02 na USC
A Deputación leva esta tarde ao III Foro de Emprego da USC que se está a desenvolver no Campús lugués as iniciativas do proxecto europeo dirixidas a creación de emprego para recén titulados e emprededores.
Neste senso, o Responsable de proxectos europeos do organismo provincial, José Enrique Rodríguez Coello, intervirá nunha exposición que terá lugar ás 17:30 horas na Aula Magna da Facultade de Administración e Dirección de Empresas.
Os temas a tratar serán principalmente, o convenio que a Deputación aprobará nos vindeiros días coa Universidade de Santiago de Compostela para a posta en marcha dun programa de prácticas profesionais becadas para xóvenes da provincia, e orientadas ao medioambiente e ao turismo.
A iniciativa, que conta cun presuposto de 234.000 euros, permitirá que 20 recén titulados fagan prácticas en países europeos durante 4 meses, e durante 8 meses en empresas de Lug02. Deste xeito, a Deputación busca aumentar as posibilidades de inserción dos mozos titulados.
Da mesma forma, exporanse outras liñas de actuación do proxecto europeo como o apoio a xóvenes investigadores para a constitución de empresas no ámbito da alimentación.
O III Foro de Emprego da Universidade de Santiago de Compostela, que comezou este pasado mércores, supón unha esperanza profesional para os 500 alumnos que están a asistir as actividades programadas no campús lucense. Nas ponencias interviron, ademáis do Responsable de proxecto europeos da Deputación, a Concelleira de Economía de Lugo, Sonia Méndez.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
