CELEIRO .- A delegada territorial da Xunta, Raquel Arias, inaugurou as Xornadas Técnicas de Difusión do Sector Pesqueiro que se desenvolven en Celeiro. Arias subliñou que o esforzo da Consellería do Mar “acabou coa barra libre do furtivismo” e que esta loita “verase reforzada con 19 millóns de euros destinados á conservación ambiental do mar e as nosas costas”.
Nota de Prensa
RAQUEL ARIAS CIFRA EN 50 MILLÓNS DE EUROS O INVESTIMENTO DA XUNTA PARA A MELLORA DA INVESTIGACIÓN E A PRODUTIVIDADE NO SECTOR PESQUEIRO
* A delegada territorial da Xunta inaugurou hoxe as Xornadas Técnicas de Difusión do Sector Pesqueiro que se desenvolven en Celeiro
* Arias subliñou que o esforzo da Consellería do Mar “acabou coa barra libre do furtivismo” e que esta loita “verase reforzada con 19 millóns de euros destinados á conservación ambiental do mar e as nosas costas”
Celeiro (Viveiro), 20 de novembro de 2009.- A delegada territorial da Xunta, Raquel Arias, sinalou hoxe que os orzamentos da Consellería do Mar para o 2010 destinan “máis de 51 millóns de euros á mellora da produtividade, aos investimentos en investigación, desenvolvemento e innovación tecnolóxica, e ó sector da comercialización e transformación de produtos pesqueiros”.
Arias inaugurou hoxe as XIV Xornadas Técnicas de Difusión do Sector Pesqueiro que se celebran en Celeiro, ás que se referiu como “unhas das máis importantes no mundo do sector pesqueiro galego e español” xa que presenta “un programa moi completo, diverso e exhaustivo, abarcando todos os ámbitos de interese para o sector”.
A delegada explicou o obxectivo da Xunta é “lograr un mar sostible, económica, social e ambientalmente” e que para elo “os orzamentos do 2010 van dedicar partidas a cada un destes capítulos”. Así, indicou que “vanse investir máis de 41 millóns de euros na parte social, onde a formación, a seguridade e a diversificación da actividade van ser os apartados máis destacados”.
Un dos eidos no que se baseará a actuación da Consellería de Mar será, segundo avanzou a delegada, a loita contra o furtivismo. Arias considera que os esforzos neste punto están a dar os seus froitos. “O compromiso da consellería acabou coa barra libre do furtivismo”, apuntou.
Neste senso, engadiu que a erradicación do marisqueo e a pesca ilegal é un dos principais condicionantes para a conservación ambiental. “A Xunta –explicou- destinará máis de 19 millóns de euros ao capítulo ambiental, no que se engloba o furtivismo, e no que ademais preténdese mellorar as zonas de produción”.
Arias celebrou a recente liberación dos mariñeiros do Alakrana, rexeitou “a sempre escura acción dos terroristas do mar” e instou aos mariños a manter viva a ilusión pola súa profesión: “Este é un interese compartido porque o futuro do mar interésanos a todos, xa que tamén marca o futuro da nosa sociedade”, concluíu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
