LUGO .- Un grupo de persoas da asociación de veciños “O Refugio” de San Xorxe, no Concello de Lourenzá, e a outro de alumnos e alumnas do CEIP San Miguel de Reinante, no Concello de Barreiros, participaron no programa Km0 que promove a Deputación. Ambos grupos foron recibidos pola vicepresidenta segunda do ente provincial, Lara Méndez.
NOTA DE PRENSA
Estudantes de Monforte inauguran na Terra Chá a actividade de tirolina, incluída no Km0 Xtreme
– É a segunda ruta que se inicia dentro do innovador programa medioambiental, despois da viaxe en helicóptero que inaugurou o Presidente da Deputación en Ribadeo
– Preto de 300 persoas participan esta semana no programa de visitas medioambientais que promove o organismo provincial
A Vicepresidenta Segunda da Deputación, Lara Méndez, recibiu este martes no Pazo de San Marcos, a dous grupos, un da Asociación de Veciños “O Refugio” de San Xorxe (Lourenzá) e a outro do CEIP San Miguel de Reinante (Barreiros), dentro do programa de visitas institucionais Km0 que promove a Deputación.
No primeiro caso, os participantes elexiron a Ribeira Sacra, onde fixeron a ruta dos Muíños e un percorrido en catamarán polos Canóns do Sil. Tamén coñeceron as Insuas do Miño.
Polo que se refire ós alumnos do CEIP de San Miguel de Reinante, de idades comprendidas entre os 6 e os 12 anos, desprazáronse ata o Concello de Vilalba, onde visitaron o Museo Arqueolóxico, a Charca de Alligal, o Seguidor Solar e Torre dos Andrade. Previamente, fixeron un percorrido polas instalacións do Centro de Artesanía e Deseño, dependente do organismo provincial.
A actividade de tirolina, incluída na modalidade Xtreme de Km0 será a protagonista de mañá. 14 alumnos, con idades comprendidas entre os 12 e os 15 anos, do IES A Pinguela de Monforte, inaugurarán esta iniciativa que ofrece o programa pioneiro en España da Deputación, e que se desenvolverá na área recreativa Arrigoira (Concello de Castro de Rei) a partir das 16:00 horas. Trátase dunha actividade divertida, sen risco para os participantes, e consistente en deslizarse por unha corda dende un punto máis alto a outro de menor altura.
Esta é a segunda actividade que se inicia dentro da modalidade Xtreme, despois da viaxe en helicóptero que inaugurou o Presidente da Deputación, José Ramón Gómez Besteiro, no mes de setembro en Ribadeo, e que permite coñecer a provincia a través da multiaventura e o deporte. Antes de participar na tirolina, os alumnos farán unha ruta de sendeirismo ó carón do Rio Miño, en Lugo. Por outra banda, membros da Asociación Trasalba de Láncara embarcarán en Chancís e farán a ruta dos Muíños.
Por último, a Asociación de Mulleres Santa María de Torre, do Concello de Vilalba, optarán o xoves polo Piornedo onde, ademais de visitar as Pallozas, coñecerán a igrexa de Donís. Ese mesmo día, un grupo de veciños dos barrios lugueses das Gándaras, Albeiros, Ponte Romai e Virxe da Soidade desprazaranse ata a Ribeira Sacra para facer a ruta a pé ata o Mirador Pena do Castelo e unha viaxe en catamarán por Amandi.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
