SAN CIBRAO .- Unha exposición retrospectiva de Manuel Bujados abriu a conmemoración do 40 aniversario do Museo do Mar de San Cibrao. Neste acto estivo presente o responsable de Cultura da Deputación e acudiu numeroso público que tamén presenciou un espectáculo audiovisual no que a fachada principal da galería foi o soporte material no que se proxectaron un gran número de obras de diversos artistas da Mariña.
Nota de Prensa
A EXPOSICIÓN RETROESPECTIVA DE MANUEL BUJADOS ABRE AS XORNADAS CONMEMORATIVAS DO 40 ANIVERSARIO DO MUSEO DO MAR
A Área de Cultura da Deputación tamén programou un espectáculo audiovisual no que se proxectaron as obras de varios artistas mariñaos na fachada do edifico
LUGO, 9 de outubro de 2009. O delegado da Área de Cultura da Deputación, Antonio Veiga, participou este venres, xunto a outras autoridades locais e numeroso público, na inauguración da exposición retroespectiva de Manuel Bujados que acolle o Museo Provincial do Mar con motivo dos actos do seu 40 aniversario. Logo disto, o nacionalista tamén presenciou un espectáculo audiovisual no que a fachada principal da galería foi o soporte material no que se proxectaron un gran número de obras de diversos artistas da Mariña.
A inclusión desta exposición no programa de actividades do 40 aniversario do Museo do Mar pretende recuperar e dar a coñecer a obra e personalidade deste artista viveirense finado a mediados do século XX. A comezos deste ano, e coincidindo co 120 aniversario do nacemento de Manuel Bujados, o Museo de Lugo presentoulle por primeira vez á sociedade lucense e galega a colección máis completa da obra deste autor da que dispón calquera institución, pública ou privada, dentro ou fóra de Galiza. A mostra tomou forma grazas á doazón, realizada ao museo lucense no ano 1966 por un mecenas desta institución e do Centro Lucense de Bos Aires, Antonio Fernández López, na que se incluían máis de 30 obras do artista mariñao entre as que destacan numerosos esbozos, debuxos e pintura de técnica mixta.
Tanto na exposición presentada en Lugo coma a que estes día acolle o Museo do Mar tamén se inclúen numerosos exemplares de xornais e revistas da época e un bo número de debuxos inéditos ata este ano, data na que o persoal do Museo Provincial os descubriu mentres enmarcaba e preparaba para exposición diversos lenzos incluídos na colección permanente de Manuel Bujados que salvagarda a galería lucense.
Tal e como salientou Antón Veiga, a Deputación de Lugo, a través da súa Área de Cultura, deseñou un programa de actividades aberto a toda a poboación lucense no que se tenta afondar na vinculación histórica existente entre os galegos e o mar e tamén render unha homenaxe aos impulsores desta iniciativa, o profesor Francisco Rivera Casas e os seus 34 alumnos, quen en 1969 sentaron as bases do actual Museo Provincial do Mar.
Os actos conmmerorativos continúan mañá, sábado 10 de outubro, coa recepción, ás 10:30 horas, dos alumnos e alumnas do curso 1969-1970 do Centro Educativo D. José María Fernández Montenegro e fundadores deste espazo cultural de referencia na comarca da Mariña. Logo disto, un nutrido grupo de rapaces e rapazas da vila lerán varios textos sobre o mar seguidos da actuación da Viveiro Big Band. Xa pola tarde, o Museo do Mar réndelle homenaxe aos seu benfeitores entregándolles un agasallo aos descententes do artífice e promotor deste espazo, o mestre Francisco Rivera Casás. O actor Avelino González pecha a segunda das xornadas coa representación da peza teatral “Vento Mareiro” dirixida aos máis novos. O domingo 11, o Museo do Mar acolle, ás 12:30 horas, a actuación do músico Antón Castro, ás 17:00 horas o relatorio do documentalista pontevedrés Lino Pazos sobre a caza das baleas e, por último, ás 19:00 horas, a actuación do grupo musical Clan Maragato.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
