CERVO .- O Concello de Cervo recepcionou as obras do saneamento en O Castro, na parroquia de Castelo, que supuxeron un investimento de 55.591 euros. Consistiron na construción do tramo principal da rede de saneamento e do punto de depuración, onde se tratarán as augas residuais desta parroquia, cunha capacidade depurativa de 30 metros cúbicos ao día.
Nota de Prensa
O CONCELLO RECEPCIONA AS OBRAS DO SANEAMENTO DE CASTELO
* Os traballos consistiron na colocación do tramo principal da rede e a construción dun punto de depuración das augas residuais para a parroquia
* O seu orzamento foi de 55.591 euros
* O Concello continuará traballando para conseguir inversións que posibiliten o saneamento integral desta e de tódalas parroquias do municipio
Cervo, 22 de outubro de 2009.- O Concello de Cervo recepcionou hoxe oficialmente as obras do saneamento en O Castro, na parroquia de Castelo. Así o confirmou o alcalde Alfonso Villares, quen salientou a importancia desta actuación “porque a pesares de que quedan soterradas á vista da xente, son máis necesarias que outras moitas”.
As obras supuxeron un investimento de 55.591 euros e correron a cargo da empresa Construcciones y Canalizaciones José Saa. Consistiron na construción do tramo principal da rede de saneamento e do punto de depuración onde se tratarán as augas residuais desta parroquia. O punto de depuración está situado á beira do “Rego de Castelo”, foi proxectado para dar servizo a todos os seus veciños e posúe unha capacidade depurativa de 30 metros cúbicos ao día.
O alcalde cervense sinalou que un dos principais obxectivos do grupo de Goberno local é continuar con este tipo de obras en tódalas parroquias do municipio “porque penso que é de xustiza ir saldando as débedas que temos coa zona rural en canto a infraestruturas e servizos”. Villares comprometeuse a conseguir financiamento para que “nun futuro próximo” o municipio poida contar con rede de saneamento en todos os seus núcleos de poboación. “Non vamos a escatimar esforzos para tentar de conseguir un saneamento integral de todo o noso concello” afirmou.
Esta nova infraestrutura ven a sumarse a outras coma o saneamento integral de San Ciprián e Cervo, que se están a acometer actualmente e que se enmarcan dentro do programa de mellora dos servizos básicos do concello levado adiante polo actual equipo de Goberno municipal.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
