SANTIAGO.- O presidente de Portos de Galicia, José Manuel Álvarez-Campana, compareceu na comisión de Pesca e Marisqueo do Parlamento de Galicia para expoñer, a petición do PSdeG, a modificación das taxas portuarias, as medidas que se están a tomar e influenza sobre os usos portuarios. Álvarez-Campana indicou que a redución das taxas será unha realidade a partires do un de xaneiro do vindeiro ano.
Nota de Prensa
A REDUCIÓN DAS TAXAS PORTUARIAS SERÁ UNHA REALIDADE A PARTIRES DO MES DE XANEIRO
· Esta modificación das taxas beneficiará ao conxunto dos usuarios dos portos
· Terá un efecto positivo no incremento das actividades portuarias
Santiago, 22 de outubro de 2009.- O presidente de Portos de Galicia, José Manuel Álvarez-Campana, anunciou hoxe que a redución das taxas terá un impacto positivo e suliñou que incrementarán as actividades portuarias que se derivan da redución das devanditas taxas. Álvarez-Campana compareceu hoxe na Comisión 8ª de Pesca e Marisqueo do Parlamento de Galicia para expoñer, a petición do PSdeG, a modificación das taxas portuarias, as medidas que se están a tomar e influenza sobre os usos portuarios, entre outras cuestións.
Álvarez-Campana sinalou que no Proxecto da Lei de Orzamentos xerais da Comunidade Autónoma de Galicia, xa se reflicten nas modificacións da Lei 6/2003, do 9 de decembro, de taxas, prezos e exaccións reguladoras da Comunidade Autónoma, no seu Titulo VI, capítulo I, artigo 58, correspondente ás taxas, e que será unha realidade a partires do un de xaneiro do vindeiro ano.
Segundo o presidente de Portos de Galicia, o anunciado o pasado mes de xuño na súa comparecencia, a petición propia, xa é unha realidade despois dun intenso e permanente traballo para conseguir, nun tempo record, a modificación dunhas taxas tan complexas. Neste senso os traballos realizados corresponderon nestes meses ao formato e estrutura das taxas, pero ademais quedaron definidas as melloras sobre as taxas, intentando conseguir un alivio da carga fiscal aumentando como un “efecto muelle” as actividades portuarias.
Esta modificación das taxas afectará ao conxunto dos usuarios dos portos dentro das diferentes áreas de actividade. Se arbitrarán medidas para o sector pesqueiro, confrarías e asociacións profesionais consistentes en abaratar custos a buques atracados en porto.
Tamén contempla reducir os custos do sector mexilloeiro, os custos nas descargas de peixe e os de alugueres de departamentos e espazos adicados á actividade do sector e outras actividades. No caso do sector comercial diminuindo os custos de buques e da carga fiscal das mercadorías que pasan polos portos, estimulando a actividade de importación e exportación.
Para o tráfico de pasaxeiros, tamén diminuíndo os custos para fomentar e facilitar o uso destes servizos de maneira regular e cara o sector de recreo diminuíndo os custos dos atraques e facilitando á 7ª lista que inclúe os colectivos de xubilados, así como para as embarcacións tradicionais que se verán favorecidas, cunha bonificación dun 90 por cento nas súas tarifas favorecendo o desenvolvemento e divulgación da historia e cultura náutica deste sector.
Finalmente, o presidente de Portos sinalou que, o ente público non ten previsto diminuír os recursos pola redención das taxas, nin os servizos básicos se verán mermados para os usuarios. O obxectivo formúlase en base a que a explotación dos portos galegos se faga de xeito máis racional, optimizando a xestión do dominio público mediante a prestación de maior número de servizos a menor custo incidindo nos seguintes aspectos para conseguir unha maior eficiencia, estimulando a creatividade na realización dos procesos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
