O VALADOURO .- A plataforma Queremos Galego trae a súa vila natal, O Valadouro, o cantautor Miro Casabella, un dos fundadores da nova canción galega a través do colectivo Voces Ceibes na segunda década dos sesenta. Actuará na casa da Cultura o venres as nove da noite.
Nota de Prensa
Queremos galego do Valadouro convida aos veciños a participar do acto e da manifestación do 18 en Compostela.
Miro Casabella actúa na Casa da Cultura de Ferreira o Venres 9 ás 21:00 h.
O cantautor de Ferreira do Valadouro, Miro Casabella, actuara o vindeiro Venres 9 de outubro a partir das 21 no Salón de actos da Casa da Cultura de Ferreira de Valadouro no que vai ser o seu primeiro concerto na súa vila natal despois de máis de corenta anos polos escenarios de todo o mundo.
A actuación de Miro Casabella, un dos fundadores da nova canción galega a través do colectivo Voces Ceibes na segunda década dos 60, vai ser un repaso aos seus máis de corenta anos de carreira artística iniciado co seu disco Soia editado en 1966 pola mítica Edigsa e na que destacan temas como “Ti, Galiza”, “O meu pais”, “A bandeira” ou “Maria Soliña”.
O compromiso coa lingua e coa cultura do País é unha constante na música de Miro, o primeiro músico en cantar en galego despois da Guerra Civil, ate o punto de que musicou a boa parte dos poetas galegos sendo tamén o primeiro músico que despois do 36 utilizou a zanfona nos seus recitais.
O concerto de Miro Casabella en Ferreira do Valadouro está organizado pola “Plataforma Queremos Galego” que pretende con este acto alertar sobre a difícil situación que está a vivir a lingua neste momento concreto. Ivan Marrube indicou que “a ese estado de saúde de por si preocupante, como reflicten todos os estudos elaborados ate o momento, únese un elemento non menos grave: as medidas regresivas que no ámbito da lingua ou da cultura está a aplicar o actual goberno da Xunta xa desde os primeiros días da lexislatura”.
Ivan Marrube chamou “a transformar en enerxía a prol da defensa do noso idioma, elemento central da nosa existencia colectiva, a gran preocupación que a actual política lingüística do goberno galego ten creado en amplos sectores da sociedade. Instamos ao noso pobo a moverse a favor de aquilo que nos une e identifica, que nos sitúa as galegas e os galegos no mundo no mesmo nivel que as outras culturas do planeta, aquilo que nos fai universais: a nosa lingua”.
Xa por último Marrube animou aos veciños do valadouro a participar da mobilización do 18 de Novembro e recordaron que haberá un autobús gratuíto desde o Valadouro que sairá de diante do Restaurante O Frenazo para acudir a manifestación que saíra o Domingo 18 ás 09:00 de diante do Concello. Neste sentido desde a Plataforma “Queremos Galego” recordaron que aquelas persoas que queiran acudir a manifestación debe anotarse chamando ao Tlf:982-140-654 en horario de 11:00 a 13:00 e de 18:30 a 20:30 de Luns a Venres.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
