A obra está parada desde fai mais de dous anos
BURELA .- Pretenden variar o trazado da vía do tren “máis cara o pobo, hai que desviala uns 7 ou 8 metros, máis ou menos, con respecto á actual ubicación”,asegura Alfredo Llano, para modificar o inexistente acceso o porto de Burela,iniciado na pre campaña das municipais e paralizado desde fai dous anos e medio. A iniciativa para realizar esta obra data dos pasados anos noventa, sendo alcalde de Cervo Roberto Álvarez.
Nota de Prensa
A FRAXILIDADE DO TERREO OBRIGARÁ, SEGUNDO ALCALDE DE BURELA, A CAMBIAR O TRAZADO DAS OBRAS DE ACCESO Ó PORTO.
Burela, 6 de outubro de 2009. O alcalde de Burela, Alfredo Llano, acompañado de enxeñeiros técnicos da Consellería de Medio Ambiente, Infraestructuras e Territorio e de Eptisa estiveron a supervisar o actual trazado do acceso ó porto de Burela. Todo apunta a que terá que ser modificado debido á fraxilidade que presenta unha parte de terreo polo que discorre.
O rexedor sinalou que “estivemos vendo a posibilidade de facer un cambio de trazado do que era o anterior proxecto de acceso ao porto. Apareceron problemas técnicos moi gordos, moi importantes hacia o que é a metade das obras de dito acceso onde existe un terreo extraordinariamente fráxil, por tanto o requerimento técnico é pasar a vía do tren máis cara o pobo, hai que desviala uns 7 ou 8 metros, máis ou menos, con respecto á actual ubicación”. Alfredo Llano manifestou que “esto implicará un novo trazado, un novo proxecto e un novo presuposto para levar adiante esta obra”.
Llano insistiu en que “tal e como está o terreo nesa zona éste cambio convértese en obrigatorio. O único que hai que facer é apurar ó máximo a resposta de FEVE para cambiar o trazado da vía que tamén implicará unha modificación no actual trazado do acceso ao peirao”. O alcalde suliñou que “se trata dunha obra importantísima para Burela, por tanto consideramos que hai que axilizar os trámites burocráticos e inmediatamente despois, cando esteamos todos de acordo, tratar de levalo adiante o máis axiña posible. Insisto en que estamos a falar dunha obra moi importante e moi agardada en Burela”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
