Nota de Prensa
Os populares presentaron en rolda de prensa unha moción que será obxecto de debate nas vindeiras sesións plenarias das Corporacións Municipais da nosa comarca
O PP PROMOVERÁ O REXEITAMENTO EN TODOS OS CONCELLOS DA MARIÑA DA SUBA DE IMPOSTOS QUE PRETENDE IMPOÑER O GOBERNO SOCIALISTA DE ZAPATERO
• Os populares contrapuxeron a obsesión do PSOE por subir os impostos coa política que está a seguir o Goberno de Feijóo que aposta por reducilos para favorecer a reactivación económica e o apoio ás familias.
• Grazas a política de redución de impostos seguida polo novo Goberno da Xunta mozos e familias numerosas da Mariña poderán beneficiarse dun aforro medio de 6.600 euros para a compra dunha vivenda.
• Máis impostos supoñen menos diñeiro para os concellos, o que implicará que se resintan os servizos públicos máis básicos e próximos ao cidadán
A Mariña, 17 de outubro de 2009.- Os Plenos municipais de todos os concellos da nosa comarca terán a oportunidade de amosar o seu rexeitamento ante a suba de impostos que pretende impoñer o Goberno socialista de Zapatero e que atenta dun xeito directo contra as clases medias e os traballadores. A iniciativa xurde a instancia do Partido Popular da Mariña que presentará a través dos distintos grupos municipais unha moción subliñando o negativo desta pretendida suba de impostos, incluída nos orzamentos xerais do Estado para o ano 2010.
A deputada Emma Álvarez Chao, xunto coa senadora María del Carmen Gueimunde e o secretario xeral dos populares lucenses Jose Manuel Balseiro Orol, presentaron en rolda de prensa a devandita moción municipal insistindo na importancia de contar cunha condena, tamén desde as Corporacións locais, ante unha alza impositiva “que ten moito de inxusta, de antisocial e que tan solo provocará máis paro e máis crise”
CONTRASTE
Os populares contrapuxeron a obsesión de Zapatero por subir os impostos coa política que está a seguir o Goberno de Feijóo que aposta por reducilos para favorecer a reactivación económica e o apoio ás familias.
De feito a iniciativa da Xunta, todos os mozos e mozas que teñan mercado a súa vivenda a partir do pasado 1 de xullo, se lles gravará un 4% no imposto sobre transmisións patrimoniais -antes era o 7%- e un 0,3% no de actos xurídicos documentados –antes era un 0,75%-. Isto implica que, segundo as estimacións realizadas polo PP tendo en conta o prezo medio das vivendas na Mariña, o aforro medio será dun 6.600 euros. A medida favorecerá tamén ás familias numerosas.
Ademais os populares quixeron negar un dos argumentos empregados polo PSOE para xustificar a suba de impostos: a necesidade de garantir o investimento en materia social e de benestar. De feito, lembrou que é posible elaborar uns orzamentos austeros e válidos para combater a crise, como os que aprobou a Xunta, garantindo ademais un maior esforzo no gasto social que sube dous puntos por encima do previsto polo anterior Goberno bipartito.
ATAQUE ÁS RENDAS DOS TRABALLADORES
Os populares cuestionan que o PSOE e Zapatero decidan subir os impostos ao consumo agravando así a situación dos máis desfavorecidos. De feito o Imposto sobre o Valor Engadido deben soportalo todas as persoas, con independencia do seu nivel de renda. Págano igual os millonarios que as persoas que viven dun subsidio.
A suba de dous puntos do IVE supón baixar un 2% o soldo dos traballadores, as pensións e as prestacións por desemprego. De feito desde o PP explicaron que os produtos que verán incrementado o seu prezo a modo de exemplo, son: roupa, calzado, electrodomésticos, recibo da luz, factura do teléfono, coches, vivenda, alimentación, hostalería, restaurantes, transporte terrestre… bens de consumo habitual polo tanto presentes na vida diaria da maior parte dos veciños da Mariña lucense
CASTIGANDO O AFORRO
Xunto a iso gravar máis ás rendas de capital supón prexudicar a miles de pequenos aforradores, particularmente aos pensionistas, que ademais do seu pensión contan cunha cartilla. A suba dos impostos á gasolina, ao alcohol e ao tabaco afecta máis a os que teñen rendas máis baixas… en definitiva, a incapacidade do Goberno socialista acaban por soportala os que máis están a sufrir, xa de por si, na súas economias familiares a crise.
Finalmente explicaron que esta subida fiscal suporá que cada veciño desta comarca desembolsará 487€ de media ao ano –segundo as estimacións realizada polo Ministerio de Facenda- para facer fronte a esta suba. É decir, aqueles sectores da poboación como os mileuristas terán que reservar a metade dun dos seus salarios mensuais para facer fronte á subida de impostos anunciada polo Goberno.
MAL POLOS CONCELLOS
Desde o Partido Popular, empregaron un último argumento para xustificar a implicación dos concellos neste asunto xa que, de manterse as previsións orzamentarias do Goberno, o financiamento local caerá en 2010 un 17,8% o que supón unha perda de 3.081 millóns de euros respecto do 2009. Ata tal punto a situación preocupa que a propia Federación Española de Municipios e Provincias acaba de aprobar unha moción dirixida ao Goberno en demanda dunha negociación de medidas puntuais para ser incluídas nos PXE de 2010 en apoio da estabilidade económica dos concellos.
Sen lugar a dúbidas a prestación dos servizos básicos por parte dos municipios, que son as administracións máis próximas ao cidadán, sufrirán debido a esta redución de achegas por parte do Goberno central. Os concellos, como as familias con rendas medias e baixas, taménpagarán a errada política de Zapatero.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
