NOTA DE PRENSA
Os populares insisten en poñer de relevo as intencións ocultas do bipartito: “Si hoxe gobernaran Galicia a xestión sanitaria da Mariña centralizaríase en Ferrol”
NACIONALISTAS E SOCIALISTAS NON FORON CAPACES DE DESACREDITAR QUE A SÚA INTENCIÓN FOI INTEGRAR EN FERROL A ÁREA SANITARIA DA MARIÑA
* Desde o PP lamentan que o BNG estea a difundir un panfleto con información falsa coa que pretenden enganar aos veciños e manteñen o seu compromiso: Nin desaparecerá a área sanitaria, nin se perderá ningunha especialidade médica no Hospital da Costa, ao contrario a nova Xunta traballar para reforzar este servizo con novas prestacións e mellor asistencia médica.
A Mariña, 03 de outubro de 2009.- Nacionalistas e socialistas non foron capaces de desacreditar documentalmente a súa intención de integrar en Ferrol a área sanitaria da Mariña. Un proxecto que o bipartito mantiña agochado á opinión pública e que formaba parte da proposta de reordenación do mapa sanitario de Galicia prevista pola anterior Xunta. Os populares insisten en poñer de relevo as intencións ocultas do bipartito: “Si hoxe gobernaran a xestión sanitaria da Mariña centralizaríase en Ferrol, suprimirían a nosa área sanitaria comarcal, e farían perigar a continuidade do puntos de atención urxente (PAC) como o de Mondoñedo”
Balseiro Orol explica que desde o PPdeG sempre actuaron con seriedade nun asunto de tanta transcendencia como é este, no que se está a falar dos servizos chamados a garantir a saúde da xente. “Nós sempre aportamos documentación, fixemos afirmacións coa contundencia necesaria e co aval do PP e da propia Consellería de Sanidade e, por si quedara algunha dubida levamos ao Parlamento a nosa proposta para oficializar a postura dos populares ao respecto desta cuestión”. É polo que lamentan que tanto desde o PSOE como desde o BNG insistan na súa estratexia de confusión. “Agora incluso os nacionalistas están difundido un panfleto con información que hai que cualificar sinxelamente como falsa, a súa única intención é enganar aos veciños porque nós mantemos todos os nosos compromisos: Nin desaparecerá a área sanitaria, nin se perderá ningunha especialidade médica no Hospital da Costa, ao contrario a nova Xunta traballar para reforzar este servizo con novas prestacións e consultas”
O BNG FAVORABLE AO COPAGO
Por outra banda e, referíndose en exclusiva ao BNG, Balseiro Orol lembrou que a formación nacionalista está a constituír un exemplo de cinismo e falta de rigor sen precedentes. Nesta liña lembra que desde a dirección comarcal do BNG aínda non deron as explicacións oportunas, nin a correspondente rectificación ou desmentido despois de coñecerse a posición dun alto dirixente nacionalista como é o alcalde de Mondoñedo que era favorable ao copago no sistema público de saúde e, polo tanto, que os veciños teñan que pagar unha cantidade pola asistencia sanitaria que reciben e, lembrou tamén que a integración das áreas sanitarias ou creación das xerencias unitarias formaba parte do programa electoral do BNG segundo o recollido na páxina 25 do documento que elaboraron para as eleccións autonómicas.
POLÍTICA FICCIÓN
Desde o PPdeG insisten en poñer de relevo a falta de compromiso do anterior Goberno bipartito con respecto á sanidade comarcal. “Non só non fixeron nada nin PSOE nin BNG para evitar o deterioro do sistema sanitario da Mariña, poñer fin ás listas de espera no hospital e nos centros de saúde ou para dicir a verdade respecto deses máis de 1.500 pacientes que non aparecían nas estatísticas oficiais pero esperaban recibir a súa cita por teléfono para ser atendidos polo médico especialista, se non que ademais como onte puidemos acreditar da voz da propia directora de Asistencia Sanitaria da Xunta, o bipartito elaborou un plan funcional, para a mellora do Hospital que era unha carta aos reis magos na que dicían …. Faremos isto, faremos isto outro…. Pero sen achegar nin un só euro, sen ofrecer o respaldo orzamentario necesario para acometer ningunha destas medidas. Eles aplicaban a propaganda e a política ficción co PP esto cambiará.”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
