Nota de Prensa
O alcalde cala mentres nos orzamentos da Xunta non se consigna ningunha obra nova para Cervo no ano 2010
Os investimentos mais importantes corresponden ao abastecemento de auga a Cervo e Burela e ao saneamento de San Cibrao que xa estaba comprometido con anterioridade
Os nacionalistas presentarán emendas que nalgúns casos coinciden cos demandas de Balseiro nos últimos anos polo que agardan contar co seu apoio
Cervo, 29 de outubro de 2009. O BNG á vista dos orzamentos elaborados polo PP para o ano 2010 consideran que Cervo non existe dentro das prioridades de investimentos do goberno de Feijoo para o ano 2010. Da campaña mediática lanzada polos dirixentes populares na comarca está desaparecido o alcalde de Cervo e non é de estrañar, non hai ningún investimento novo que non estivera comprometido con anterioridade e tampouco se ven reflectidas nas contas públicas do goberno da Xunta para 2010, ningunha das demandas do alcalde e do parlamentar, José Manuel Balseiro nos últimos anos.
Os investimentos mais importantes xa estaban comprometidos con anterioridade
Os nacionalistas cervenses sinalaron que as partidas mais importantes existentes no proxecto de orzamentos da Xunta para 2010 corresponden con compromisos plurianuais xa existentes con anterioridade, así consígnase unha partida para a construción da EDAR e rede de saneamento de San Cibrao de 1.47m€ e a parte que corresponde do abastecemento de auga aos concellos de Cervo e Burela cun investimento para 2010 de 1.38m€. O responsábel local nacionalista, Ramón Luís Bernardo Insua, lamentou a falta de coherencia do PP que “despois das campañas sobre o suposto abandono do anterior goberno galego con Cervo, agora agardábamos moito mais”, facer o que xa estaba comprometido non di moito da defensa dos intereses do seu concello por parte do alcalde e do flamante Secretario da Cámara Galega”
O alcalde apresúrase agora a anunciar como propios os investimentos que se executan con cargo ao traballo do anterior goberno galego
O BNG pregúntase “onde están os impulsos reivindicativos do goberno municipal dos últimos anos” diante duns orzamentos que non anuncian nada novo para o concello no ano 2010, Bernardo Insua concretou que “o concello vai vivir no 2010 das xestións realizadas polo anterior goberno galego” e lembrou os investimentos no Polígono Empresarial de Cuíña, as vivendas sociais de Río Covo, as redes de gas para San Cibrao, as obras de saneamento en Gondrás ou as obras de rehabilitación do entorno da fonte da Pultreira, o arranxo do camiño do Vedral en Rúa ou o acondicionamento dunha zona de lecer na Senra, son obras xestionadas polo anterior goberno que xa remataron ou están en execución e que agora o alcalde dedícase a anunciar como propias.
As demandas do PP co anterior goberno son agora papel mollado mentres o alcalde cala.
O responsábel local cervense quixo facer memoria en relación ás demandas do Partido Popular diante do anterior goberno da Xunta que agora pasan ao esquecemento, asuntos como o cinto industrial de Alcoa que contou co apoio unánime da corporación, a compra dos terreos do Castro da Atalaia, a construcción dun Centro de Día en cada parroquia e unha residencia da terceira idade para 70 prazas, a rehabilitación de Sargadelos, o mantemento da EDAR de San Cibrao, a construcción de vivenda de protección pública, etc. Bernardo Insua reclamou ao PP coherencia e defensa dos intereses veciñais, “o que antes para o alcalde era abandono da Xunta, agora é esquecemento e apatía sen que Villares alcalde queira velo ou enterarse”
O BNG agarda o apoio dos populares ás emendas que presentarán para mellorar os orzamentos para Cervo
O BNG de Cervo presentará emendas aos orzamentos da Xunta para ese ano por importe de 5,1 millóns de euros de investimento. As emendas están dirixidas fundamentalmente a investimento en infraestructuras productivas como alicerce na xeración de emprego, benestar social e infraestructuras culturais e turísticas. O portavoz nacionalista Ramón Luis Bernardo Insua, quixo lembrar a Balseiro e ao alcalde de Cervo que varias das emendas presentadas forman parte de demandas que os dous portavoces do PP reclamaban ao anterior goberno galego, “bastaría co voto de Balseiro para que estas emendas prosperasen”, e de non apoialas deberá explicar á cidadanía cervense “que cambiou no parlamentar popular para o que antes era necesario agora deixe de selo”, concluíu o portavoz nacionalista.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
