BURELA (FNC) .- A concelleira de Educación, Lucía Bouza, desminte as graves acusacións que verteu nas últimas horas o grupo municipal do PP sobre a súa persoa e sobre a Escola de Música. Bouza manifesta a súa profunda preocupación polas gravísimas acusacións que o PP de Burela está a facer sobre o procedemento de selección do profesorado da Escola de Música Municipal.
A edil socialista sinala que “antes de desmentir as falsidades e calumnias do PP, quixera aclarar que non vou tolerar que se fagan manifestación públicas deste tipo, sen que se dea nin un só argumento que as sosteña, polo que lle pido ao grupo municipal do PP que se absteña de continuar con este agresivo discurso baleiro de contidos que o único que procura é crear confusión entre a xente co único fin de obter beneficios electorais, pois non pode haber outro interese detrás deste discurso tan pobre e tan mal intencionado”.
Lucía Bouza alude ás declaracións dos populares nas que “éstes din estar acostumados aos meus chanchullos. Será porque eles nunca fixeron ningún tipo de procedemento público para a selección do persoal da Escola. Se cadra por iso agora a eles lles parece un chanchullo, cando saben sobradamente que ésta é a forma en que a lei nos obriga a contratar ó persoal, e é tamén a que nos parece máis xusta polo seu carácter público en condicións de mérito e igualdade para os candidatos e candidatas. Se teñen algunha dúbida poden informarse no Concello sobre esta cuestión”.
A concelleira de Educación segue a explicar que “polo visto é un chanchullo que nas bases do 2007 se baremase como mérito puntuable nas probas de selección do profesorado unha titulación superior en música, entre outros méritos. Pois sí que parece raro, sí, igual tería sido mellor puntuar un ciclo medio en cristalería, por exemplo, ou se cadra se lle ocorre algo mellor ao PP. Non é lexítimo que por este motivo se estea poñendo en dúbida a profesionalidade dun profesor da escola, mais aínda dous anos despois de térense celebrado as probas de selección. Ou se cadra será porque o PP se aproveita do parentesco deste profesor coa miña persoa, unha vez máis para os seus intereses políticos e non para defender os intereses da escola e do seu alumnado. Resulta curioso que cuestionen agora a este profesor, cando saben que leva traballando neste centro desde o 2004, ano no que aínda gobernaba o PP. Parece que entón valía, mais agora xa non”.
Sobre demora na convocatoria das prazas, Lucía Bouza, manifesta que “se estivo estudando ata o último momento a posibilidade de dar unha solución alternativa á contratación do profesorado da Escola. A negociación demorouse mais do previsto porque non se cumpriron os prazos marcados (e isto non foi precisamente por culpa do Concello), e de aí o retraso na convocatoria. Seica nesta cuestión teño unha actitude prepotente. Dígolles o mesmo de antes, supoño que para vostedes, para os señores do PP, será prepotente manter varias reunións co director da escola, o claustro de profesores, os sindicatos… porque dubido moito de que vostedes tivesen este tipo de reunións. Outra vez engánanse no significado dos termos”.
Pouco apoio do PP á música
A edil socialista di tomarse a broma as declaracións dos populares sobre o financiamento da escola que éstes tildaron de chocante, “permítanme que tome a broma este punto, pois isto sí que xa supera o límite da picaresca que caracteriza a súa política de oposición. Agora non lles parece ben que a escola organice seminarios e obradoiros durante o verán, tendo lugar o pasado ano o I Seminario de Música Clásica e o I Seminario de Jazz, sendo os primeiros seminarios deste tipo na historia da Escola de Música, e que contaron este ano coas súas respectivas segundas edicións, dobrándose o número de matrículas con respecto ao ano pasado. Ademais de obradoiros noutras especialidades instrumentais, que tamén foron realizados por primeira vez na escola, durante o presente ano. Pero o que máis me sorprende é que estean tan ao día das actividades que organiza a Escola de Música de Burela, porque o certo é que non se deixan ver moito, ou máis ben nada, en ningunha delas. Esta debe ser a súa forma de apoiar a música, non asistindo aos concertos e creando alarma social nos medios con mentiras e calumnias tan pronto teñen ocasión de facelo”.
Lucía Bouza conclúe dicindo que “non me pode acusar de xestión desastrosa quen tivo un nulo programa de actuación para a Escola de Música, arrastrando considerables problemas estruturais ata os nosos días, que estamos tentando corrixir con grande esforzo. ¿Por qué cando chegamos ao goberno non existían unhas bases que regulasen os procedementos de selección dos profesores e profesoras? ¿Por qué nos deixaron unha Banda de Música baixo mínimos e sen perspectivas de futuro? ¿Por qué non tiveron unha política financeira acorde coas necesidades da escola? Todas estas cousas están tentando ser reorientadas na procura dunha Escola de Música de calidade, que ofreza os servizos que se merecen os alumnos e alumnas deste centro, e así entendemos que ten acontecido desde que xestionamos este servizo. Continuaremos traballando neste sentido, e espero, que polo ben da Escola e do futuro musical de Burela, se unan a esta forma de traballar e de facer política, política para os cidadáns e cidadás e non para os intereses partidistas dunha formación política”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
