Facer cerámica sen présa e sen destino agudiza a capacidade para ver e reflexionar. Nos últimos días, apuntei no encerado do meu obradoiro unhas palabras clave que me permitisen recordar cando me sentase fronte ao ordenador para escribir a miña colaboración desta semana.
Bolsas. Nun tempo en que os medios nos machacan coa pretendida “conversión verde” dalgúns supermercados que xa non darán bolsiñas de plástico para meter o que merquemos, chego á conclusión de que son útiles, non cabe dúbida. Adoito gardar as máis grandes, prácticas, resistentes, algunha curiosa… Pero na Mariña -e seguro que en máis sitios- hai quen baixa o bocata en bolsa de boutique. Explícome. Bolsa de tenda cara que vai e vén con todo obxecto transportable. Centos de usos e regresa á casa. Non a tiran. Non vaia ser que teñas que levar algo outro día e só teñas as do Eroski. Que dirían…!
Envexa. Segunda palabra. Posiblemente agudizada coa crise. Non me estenderei moito. O que sobe en calquera escalafón social ou económico é un estúpido se é rapaz e unha fresca se é pequena. Ao seu lado, crítica. Terceira palabra. Nada vale. Dáse nisto un fenómeno curioso e que, en matemáticas, sería inversamente proporcional: Os que critican todo o que se fai son os que nunca fixeron nada.
Difíciles. Cuarta. «En Galicia sodes difíciles, pechados». Díxomo unha xente que coñecín hai pouco. Púxenme a falar con ela por casualidade e acabei comendo e falando largamente. «Pero tu eres galego?», preguntáronme con insistencia. Ata me deu rabia. Non obstante, recoñezo que no inicio da charla eu pensei o mesmo. «É de fóra..son de Madrid…Que podes esperar?.». Outra xente contoume hai pouco que chegou a achegarse a alguén para dicir «Non te acordas de min?». E non o coñecía de nada… Só quería falar. Facer amigos.
Bolsas. Envexa. Crítica. Difíciles… Algo máis escribira no encerado do obradoiro xunto ás palabras. ‘ Por que somos tan parvos? ‘ Moi parvos. Tanto como eu por non apuntar no mesmo encerado o teléfono daquela xente…de toda a xente que pasou este verán por REGALXUNQUEIRA, claro que para non ter que gastar tiza, agora temos Facembook, onde teño centos de amigos, iso si que case non coñezo, nin eles a min.
Xa o dicía Ruben Blades “Sorpresas te da la vida …la vida te da sorpresas”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
