XOVE .- O Concello de Xove, a través da súa Concellería de Cultura, pon en marcha unha nova tempada de bolos. O sábado, 10 de outubro, no Centro Social de Lago, vai comezar unha nova edición, a XXIª, da Tirada de Bolos Concello de Xove, que no caso da Liga Sub 18 será a Xª Tempada.
Como novidade para este ano, decir que imos ter a Iª LIGA FEMININA DE BOLOS, a cal vai ter un desenvolvemento parello ás outras dúas, celebrándose as tres conxuntamente. Esperamos con isto facilitar a incorporación da muller ao mundo do deporte autóctono; o tempo dirá se acertamos ou non.
Outra das novedades para esta temporada, son as normas aprobadas por tódolos xogadores na Bolera do Centro Social de O Cruceiro o pasado 28 de marzo.
1º.- Queda anulada a norma aprobada o 28 de novembro de 1.998 no Centro Social de Vilachá que prohibía mollar as bolas e bolos.
2º.- Elimínase a LINEA DO 20 para categoría SENIOR, polo que a partires de agora só existirá a LINEA DO 10 para as categorías SENIOR, SUB 18 e FEMININA.
Para ir preparando esta nova edición dun dos torneos de deporte popular máis antigos de Galicia, hai uns dias tivemos unhas Xornadas de Promoción dos Bolos para tódolos alumnos/as do IES Illa de Sarón, celebradas os dias 30 de setembro e 1 de outubro e polas cales pasaron tódolos alumnos-as do IES. O obxectivo destas Xornadas foi o de incorporar novos xogadores/as á Liga de Bolos Municipal, dado que hai uns anos tivemos un baixón no número de xogadores ao retirarse moitos dos vellos xogadores e non haber relevo. Amáis da colaboración que tódolos anos presta o IES Illa de Sarón, contamos novamente coa colaboración para esta tempada da EMPRESA AUTOESCUELA MUNDIAL; a ambos lles queremos dar as grazas.
O calendario de tiradas para esta Temporada é o seguinte:
TIRADAS REGULARES
2.009
SÁBADO, 10 DE OUTUBRO.- CENTRO SOCIAL DE LAGO.
SABADO, 17 DE OUTUBRO.- CENTRO SOCIAL DE VEIGA – PALMEIRO EN A RIGUEIRA.
SÁBADO, 24 DE OUTUBRO- CENTRO SOCIAL DE PENASAGUDAS EN MONTE.
SÁBADO, 31 DE OUTUBRO.- CAMPO MUNICIPAL DE FUTBOL DE XOVE.
SÁBADO, 7 DE NOVEMBRO.- CENTRO SOCIAL DE O CRUCEIRO EN XUANCES.
SÁBADO, 14 DE NOVEMBRO.- CENTRO SOCIAL DE A VARA EN XUANCES.
SÁBADO, 21 DE NOVEMBRO.- CENTRO SOCIAL DE VILACHÁ EN PORTOCELO.
SÁBADO, 28 DE NOVEMBRO.- CENTRO SOCIAL DE MORÁS.
SÁBADO, 5 DE DECEMBRO.- CENTRO SOCIAL DE SUMOAS.
2.010
SABADO, 9 DE XANEIRO.- CENTRO SOCIAL DE LAGO.
SÁBADO, 16 DE XANEIRO.- CENTRO SOCIAL DE VEIGA – PALMEIRO EN A RIGUEIRA.
SÁBADO, 23 DE XANEIRO.- CENTRO SOCIAL DE PENASAGUDAS-MONTE
SÁBADO, 30 DE XANEIRO.- CAMPO MUNICIPAL DE FÚTBOL DE XOVE.
SÁBADO, 6 DE FEBREIRO.- CENTRO SOCIAL DE O CRUCEIRO EN XUANCES.
Sábado 13 de febreiro: Sábado de Antroido
SÁBADO, 20 DE FEBREIRO.- CENTRO SOCIAL DE A VARA EN XUANCES.
SÁBADO, 27 DE FEBREIRO .- CENTRO SOCIAL DE VILACHÁ
SÁBADO, 6 DE MARZO.- CENTRO SOCIAL DE MORÁS.
SÁBADO, 13 DE MARZO.- CENTRO SOCIAL DE SUMOAS. REMATE DA XXIª TIRADA DE BOLOS (Xª TIRADA SUB 18) COA ENTREGA DE PREMIOS E TROFEOS.