ABURELA (FNC) .- O alcalde, Alfredo Llano, amósase satisfeito da súa participación no seminario A Mariña Asturlucense, un territorio de cooperación e aboga por traballar en conxunto para mellorar e protexer o litoral.
Llano declarou sentirse orgulloso “é para min foi unha honra participar no primeiro seminario A Mariña Asturlucense, un territorio de cooperación, que ó longo destes días se celebra no Parador de Turismo de Ribadeo. Está enmarcado no proxecto Gobernanza territorial e urbana do Ministerio de Ciencia e Tecnoloxía no que traballan equipos de investigación adscritos a diversas universidades españolas como a de Santiago, Oviedo, Madrid, Salamanca e Valencia, entre outras. É un proxecto de moito nivel e con moito interese”.
O rexedor sinalou que “estivemos vendo como está ordenado o litoral tanto en Asturias como na Mariña e fixemos comparativas e o que concluímos é que debemos traballar todos en conxunto para mellorar e protexer este litoral asturgalaico. Estas reunións de traballo vanse manter, pero hai que potenciar as xuntanzas entre os alcaldes da Mariña para tratar de chegar a criterios comúns que sexan beneficiosos para todo o mundo”.
A expedición do seminario estivo en Burela, “visitamos o porto, a lonxa, o barco museo e participamos todos xuntos nun xantar, despois xa se van cara Asturias para continuar coas visitas. Nestes eventos apréndese moitísimo, a min veume moi ben porque estamos no proceso de redacción do Plan Xeral e hai cousas que nos poden servir de axuda”.
Xuntanza o luns
Alfredo Llano aproveitou para anunciar que OTEA, a empresa redactora do PXOM, manterá un encotro cos membros da Corporación Municipal e coa comisión de seguimento para explicar como marchan eses traballos. Será ás 17:00 horas no salón de plenos do Concello. O rexedor dixo que “será unha boa cousa para Burela e que se vaia vendo que hai plans xerais nalgúns concellos e que deben estar englobados nun conxunto que sexa beneficioso para toda a comarca”.
Pancarta
O rexedor tamén se referiu ás críticas verquidas nas últimas horas desde o grupo municipal do PP. Llano reiterou que “eu o que quero para a comarca da Mariña é que conte cun área sanitaria propia, cun órgano xestor propio que non dependa para nada doutros núcleos e que sexa unha área que coordine perfectamente tanto primaria como especializada”.
O alcalde dixo que “é certo que asistimos a un encontro da comisión de participación cidadá e cando nos fomos xa estaba todo dito. Alí o que se expuxo foi o que é unha área integrada en xeral e todos estábamos de acordo na ampliación do hospital da Costa, atendendo ó plan director, e en tentar conseguir a denominación de hospital xeral en lugar de hospital comarcal, co que eso implicaría. É unha cuestión moi importante para esta zona e como é moi importante e o vexo así por eso o estou a reivindicar”.
Alfredo Llano pregúntase “¿que me apunto á pancarta? Madia leva, claro que me apunto. Todo o que sexa beneficioso en servizos para Burela hai que loitalo, e non hai que escudarse nin estar botando culpas de que si eu fixen ou deixei de facer. Hai que arrimar o ombro e estar todos xuntos para traer servizos de calidade á nosa zona”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
