NOTA DE PRENSA
Pese ás múltiples promesas para acelerar os pagamentos, o Ministerio de Medio Ambiente, Medio Rural e Mariño aínda non os ten efectuados o que leva aos populares a pedir que a Xunta presente unha queixa formal diante do Executivo socialista central
A XUNTA CONFIRMA A PREGUNTAS DO PP QUE O GOBERNO CENTRAL ADEBEDA GRAN PARTE DOS PAGOS DAS AXUDAS A 4.500 MARIÑEIROS ACOLLIDOS AOS PAROS BIOLÓXICOS
* As demoras afectan a máis de medio millar de mariñeiros dos portos de Celeiro e Burela pese a que cumpren todos os requisitos para obter a axuda correspondente.
* Moitos armadores e mariñeiros están a verse obrigados a asumir as paradas durante este ano malia que aínda teñen pendente o cobro das axudas correspondentes ao 2008.
Santiago, 23 de outubro de 2009.- O director xeral de Competitividade e Innovación Tecnolóxica, Juan Carlos Maneiro Cadillo, confirmou a preguntas do voceiro do Mar do Grupo Parlamentairo Popular, Jose Manuel Balseiro Orol, que o Goberno central adebeda gran parte dos pagos das axudas a 4.500 mariñeiros galegos acollidos aos paros biolóxicos, tanto nos plans de recuperación da pescada así como doutras especies capturadas polas flotas de NAFO, Gran Sol, arrastre de litoral e palangre de superficie.
Os ceses temporais de actividade son unha medida, imposta polo Goberno socialista de Zapatero que implica que estas flotas teñen que deixar de traballar unha media de dous meses ao ano. Malia isto, os paros son asumidos pola flota porque teñen a súa xustificación na sustentabilidade biolóxica das distintas especies. O problema está, no atraso da Administración central tanto á hora de aprobar as ordes que regulan as devanditas axudas –algunhas chegaron máis de 10 meses tarde- como á hora de efectuar os pagos correspondentes para compensar a perda de ingresos de armadores e mariñeiros durante o tempo que dura a parada. Esta situación está a xerar importantes críticas de distintas asociacións de armadores, sindicatos e dos propios mariñeiros, ante a pasividade e indiferenza do Goberno central.
Desde o PPdeG explican que incluso se están a dar circunstancias tan esperpénticas como que moitos mariñeiros se están a ver obrigados a facer a paradas durante este ano cando aínda teñen pendente o cobro das axudas correspondentes ao 2008
QUEIXA FORMAL
O voceiro do Mar dos populares galegos, Jose Manuel Balseiro interesouse por esta cuestión no Parlamento de Galicia, no seo da Comisión de Pesca e Marisqueo celebrada no día de hoxe e adiantou que a súa formación política pedirá á Xunta que efectúe unha queixa formal diante do Goberno socialista central, desde a administración autonómica si se actúa en apoio do colectivo afectado, dos armadores e mariñeiros galegos.
DANO MÚLTIPLE A ECONOMÍA DE MARIÑEIROS E ARMADORES
O voceiro popular lembrou que para os armadores o atraso nos pagos é un lastre máis para un sector moi prexudicado pola crise e para os mariñeiros supón unha perda considerable de ingresos durante o tempo no que dura a parada, o que afoga dun xeito evidente as súas economías familiares. Os múltiples danos e prexuízos que para todos eles provoca a actitude inaceptable do Goberno central non fai que os responsables do Executivo socialista modifiquen a súa posición, máis ao contrario están incluso aumentando a demora nos pagamentos, mediante fórmulas dilatorias inxustificadas: “Piden documentación e datos que xa están en moitos casos en poder da administración, ou que o propio Ministerio podería obter directamente consultado rexistros públicos da súa competencia”.
En contraste con todo isto, Balseiro valorou moi positivamente os esforzos de mediación ante o Goberno socialista que se están a efectuar desde a nova consellería do Mar. “A Xunta púxose ao fronte das reclamacións dos mariñeiros galegos para facer presión e que Madrid axilice os pagos”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
