SANTIAGO.- Representantes da asociación de veciños “O Vencello” de Burela reuníronse en Santiago coa conselleira de Sanidade, quen lles ratificou a permanencia da área sanitaria de Burela e que teñen intencións de mellorar a súa capacidade asistencial.
NOTA DE PRENSA
PILAR FARJAS RATIFICOU A PERMANENCIA DA ÁREA SANITARIA DE BURELA E A MELLORA DA SÚA CAPACIDADE ASISTENCIAL
* Nunha xuntanza que mantivo hoxe pola mañá con representantes da asociación de veciños O Vencello
Santiago, 6 de outubro de 2009.- A conselleira de Sanidade, Pilar Farjas Abadía, recibiu hoxe, no seu despacho do Edificio Administrativo do Servizo Galego de Saúde, en San Lázaro, aos representantes da asociación de veciños de Burela O Vencello, encabezados pola súa presidenta, Teresa Pardo. Neste encontro, a titular da carteira sanitaria do executivo galego ratificoulles aos membros da antedita asociación a permanencia desta área sanitaria, e, ademais, manifestoulles a intención da Administración sanitaria galega de facer un esforzo adicional na zona co propósito de mellorar a súa capacidade asistencial.
Como exemplo do anteriormente sinalado, Pilar Farjas remarcou na xuntanza que, na actualidade, no Hospital da Costa, xa se están a preparar dúas obras para potenciar este centro da rede do Sergas, cun investimento que supera o millón de euros. A primeira das obras abrangue a área de hospitalización de obstetricia e a remodelación de paritorios, e a segunda refírese ao cambio que cómpre facer na cuberta de fibrocemento e na rampla de acceso. Da primeira das actuacións xa está elaborado o proxecto arquitectónico e adxudicada a obra, e, no segundo caso, estase a elaborar o proxecto.
Tamén no encontro de hoxe, a conselleira de Sanidade deulles conta aos veciños de Burela da intención do seu departamento de por en marcha, no Hospital da Costa, consultas de alta resolución de Cardioloxía como actividade extraordinaria, co obxectivo de garantir aos pacientes desa zona unha asistencia eficaz en tempo e forma, dada a importante bolsa de pacientes non rexistrada neste servizo, coa que se atopou este novo equipo directivo.
En definitiva, Pilar Farjas reiteroulles aos representantes da asociación O Vencello a súa intención non só de permanencia da área sanitaria de Burela, senón, tamén, o seu compromiso de reforzar o papel do hospital da Costa, coa fin de mellorar a súa capacidade de xestión e a súa carteira de servizos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
