RIBADEO (FNC) .- Ribadeo acollerá o vindeiro domingo a VII Feira de Produtos da Horta, coa que se pecha a tempada estival do tradicional mercado dos domingos. O alcalde, Fernando Suárez, convida a tódolos ribadenses e aos veciños da Mariña e do Occidente asturiano a participar nesta festa e a probar os produtos da horta na degustación gratuíta que terá lugar a partires das 13:00 horas da tarde.
O rexedor ribadense sinalou que “como alcalde de Ribadeo, quero convocar e convidar a tódolos veciños e veciñas deste concello e dos concellos de A Mariña e do Occidente de Asturias para que este vindeiro domingo veñan a Ribadeo a probar, a degustar, a mercar e a ver esta VII Feira de Produtos da Horta que se vai celebrar na Praza de Abastos. A parte do que vai ser a venda, coma sempre se fai nos mercados dos domingos, haberá coma tódolos anos unha pequena despedida con produtos da horta, xa que a partires das 13:00 horas da tarde farase unha degustación gratuíta con produtos que cederon os promotores”. O alcalde lembra que “este será o último domingo da época estival deste mercado que a partires de agora se celebrará o segundo domingo de cada mes”.
Fernando Suárez explicou que “calculamos que vai haber un total de trece postos, non soamente de produtores de horta senón tamén de pan, de marmelada, de carne, etc, etc, e se ben o ano pasado o Leader sufragou os custes desta feira, no pasado máis inmediato a Consellería de Medio Rural axudou, este ano non o quixo facer así, e este ano debémoslle agradecemento de maneira importante, senón non poderíamos levar esta feira adiante, á Deputación de Lugo, concretamente ao INLUDES, que é o Instituto Lucense de Desenvolvemento Económico e Social, xa que gracias á súa colaboración económica podemos celebrar este evento”.
Suárez engadiu que “esperamos que concorra moita xente para ver, mercar os produtos da horta destes artesáns, que son os nosos produtores, e que como non, que contribúan a degustar tódalas viandas que a partires das 13:00 horas da tarde poñeremos de maneira gratuita á disposición de todo o mundo que queira degustalas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
