Veciños do barrio de O Campón de Burela transmitíronlle ao alcalde problemas viarios

BURELA (FNC) .- O alcalde de Burela, Alfredo Llano, mantivo esta mañá un encontro cunha representación de veciños da zona de O Campón que “viñeron amosarme a súa preocupación polo estado das rampas de acceso á avenida de Arcadio Pardiñas que hai nesa zona, son rampas de uso público que se atopan debaixo dun inmoble, polo que están nunha propiedade privada”. Llano conta que “se trata dunha vella demanda dos veciños desde hai moitos anos e eu quedei en estudialo e en tentar executar esa obra”.