VIVEIRO .-Responsables da organización presentaron a XI Carreira Popular Concello de Viveiro no salón de plenos do antigo concello de Viveiro. A competición celebrarase o sábado 19 e o domingo 20, e participarán ao redor de 400 atletas. Ao acto asistiu o delegado da Área de Deporte da Deputación, Antonio Veiga, o concelleiro de Deportes de Viveiro, Xesús Fernández Cal, e o presidente do Club Egovarros, Francisco Rodríguez Balsa.
Nota de Prensa
HOXE PRESENTOUSE A XI CARREIRA POPULAR CONCELLO DE VIVEIRO 2009
A proba disputarase durante os dous días desta fin de semana e nela tomarán a saída preto de 400 participantes, entre escolares e adultos
LUGO, 17 de setembro de 2009. O delegado da Área de Deporte da Deputación, Antonio Veiga, presentou esta tarde no salón de plenos do antigo concello de Viveiro, xunto co concelleiro de Deportes de Viveiro, Xesús Fdez. Cal, e o presidente do Club Egovarros, Francisco Rodríguez Balsa, a XI Carreira Popular Concello de Viveiro. Nesta proba, durante os dous días nos que se celebra (sábado 19 e domingo 20), participarán ao redor de 400 atletas de todas as idades, desde nenos e nenas de apenas uns poucos anos até veteranos de máis de 55 anos. Segundo destacou Antonio Veiga, “é necesario que unha institución como a Deputación de Lugo apoie aos clubs modestos na organización deste tipo de actividades xa que son moi importantes para promover entre a cidadanía un modo de vida saudábel a través da práctica deportiva.”
O delegado da Área de Cultura e Deportes encomiou o traballo do Club Egovarros así como os éxitos acadados por moitos dos seus atletas – que proveñen sobre todo das categorías de máis idade da man dunha figura do atletismo internacional como é Julián Bernal aos seus 90 anos, quen xa foi recibido para o seu recoñecemento na Deputación de Lugo- e desexou que a proba, tal como todo fai pensar que así acontecerá, sexa un éxito como foi en anteriores edicións e se siga organizando este evento deportivo, de xeito que conte en anos vindeiros coa alta participación que a caracteriza.
Segundo explicou Francisco Rodríguez Balsa, a proba disputarase o sábado 19, a partires das 5 da tarde, para as todas categorías masculina e feminina en idade escolar, e o domingo 20, coa saída ás 11.30 da mañá, para as categorías superiores tamén nas súas modalidades masculina e feminina. En conxunto, tomarán a saída entre 150 e 200 escolares e outros tantos participantes na idade adulta.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
