BURELA (FNC). O goberno de Burela levará ó pleno de mañá unha moción de apoio ó hospital da Costa. O alcalde, Alfredo Llano, amosa o seu desacordo total á inclusión deste centro nun área sanitaria única na provincia de Lugo. Llano considera que “estaría moito mellor que contásemos cun área sanitaria na Mariña que tivese como referencia. Hai que ter en conta que o noso hospital ten carácter xeral e atende a unha poboación de uns 80.00 habitantes aquí na Mariña, ten unhas particularidades e unhas ventaxas clarísimas avaladas polos 23 anos que leva funcionando e ten unha connotación sanitaria e social moi importante”.
O rexedor de Burela tacha de “mala idea a integración deste hospital nun área sanitaria común na provincia de Lugo, porque traería unha serie de desvantaxes clarísimas para o centro. Por exemplo habería un só presuposto e eso querería dicir que o hospital da Costa tería un presuposto derivado que baixaría seguro, e unha carteira de servizos que se iría reducindo e basicamente acabaríamos sendo un ambulatorio ou unha sucursal do hospital de Lugo e eso é o que non queremos. Non o queren os profesionais, nin os usuarios… ninguén quere que ocorra eso”.
Alfredo Llano avoga por “defender o hospital da Costa coma un hospital xeral. Hai que pensar que temos moita veteranía na zona que é moi importante para dar un bó servizo á poboación. Consideramos que o hospital debe ser autónomo en todos os aspectos”. O alcalde lembra que A Mariña está a unha hora como mínimo de Lugo e que “si un enfermo ten que desprazarse á capital da provincia debe perder máis dunha hora no camiño. A Mariña é un área de grande dinamismo, pero tamén ten unha dispersión moi importante e nalgúns casos malas comunicacións”. Llano aposta por “mellorar a interconexión entre a atención primaria e a hospitalaria e así evitaríanse traslados innecesarios”.
O alcalde burelés insiste na necesidade de crear “un área sanitaria propia na comarca da Mariña e despegarse de forma definitiva do que é un área sanitaria provincial con epicentro en Lugo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
