XOVE .- A concellaría de Cultura de Xove, en colaboración do IES Illa de Sarón e o CEIP Pedro Caselles, iniciou o “Programa de Apertura de Centros Educativos Públicos Fóra de Horario Lectivo 2009”, da Consellería de Educación e Ordenación Universitaria. Esta iniciativa “abre a posibilidade de utilizar as instalacións educativas como recursos para realización de actividades deportivas, artísticas e de estudo dentro dun concepto de servizos complementarios que mellore a oferta educativa”
NOTA DE PRENSA.-
EN MARCHA O PROGRAMA “APERTURA DE CENTROS EDUCATIVOS PÚBLICOS FORA DE HORARIO LECTIVO”
O Concello de Xove, a través da súa Concellería de Cultura, ven de por en marcha, coa colaboración do IES Illa de Sarón de Xove e o CEIP Pedro Caselles Rollán, o “Programa de Apertura de Centros Educativos Públicos Fóra de Horario Lectivo 2009”. Trátase dun programa da Consellería de Educación e Ordenación Universitaria que abre a posibilidade de utilizar as instalacións educativas como recursos para realización de actividades deportivas, artísticas e de estudo dentro dun concepto de servizos complementarios que mellore a oferta educativa. O Presuposto Total deste Programa é de 11.300 €uros, dos cales 7.714´63 €uros son finaciados pola Consellería e o resto polo Concello de Xove.
Das catro modalidades existentes (“A”, “B” , “C” e “D”), o noso Concello participa na “A” (apoio a actividades saudables e habilidades persoais) na “B” (apoio á mellora do éxito escolar) e na “C” (prevención e intervención ante o absentismo e abandono temprerán dos estudios). Na modalidade “A” particpan os alumnos/as de 5º e 6º de Primaria do CEIP Pedro Caselles, na modalidade “B” alumnos/as de 5º e 6º de Primaria e de 1º a 4º de ESO. Na Modalidade “C”, participan rapaces/as de 16 a 24 anos.
Os cursos programados, son:
MODALIDADE “A”
-Curso Básico de Vídeo.- No mesmo dánselles nocións básicas de manexo e montaxe de vídeo. Para este Curso hai 10 prazas. Vai ser impartido polo fotógrafo Julio López.
-Curso Básico de Fotografía.-Vai ser impartido polo fotógrafo Julio López, tratándose dun curso básico de iniciación á fotografía. 15 prazas disponibles.
MODALIDADE “B”
-Curso “Pintura: Perfeccionamentos Técnicos”.- vai ser impartido polo pintor xovense Xoán Guerreiro. 10 prazas disponibles.
-Curso “Técnicas de Expresión Dramática e Corporal”.- para este curso hai un total de 15 prazas.
-Curso “Perfeccionamento de Fotografía Dixital”.- vai ser impartido polo fotógrafo Julio López e cóntase con 10 prazas.
Curso “Perfeccionamento de Vídeo: Montaxe”.- impartido tamén polo fotógrafo Julio López, dispón de 10 prazas.
MODALIDADE “C” (obxectivo: prevención ou intervención ante o abstentismo e abandono temperán dos estudos)
-Curso de Elaboración de Carteis.- vaino impartir o Técnico Municipal de Cultura e Comunicación do Concello Mario Eijo nas propias dependencias do Concello. 15 prazas en total.
-Curso para o Uso Correcto de Impresos.- impartido pola administrativa do Concello María Teresa Cociña. Con este Curso preténdese abrirlles aos participantes o mundo das administracións, que o mesmo que poidan navegar por Internet, tamén se poidan mover polo mundo da xestión administrativa, o cal lles vai ser de moita utilidade para o futuro, dende matricularse na universidade, abrir unha empresa ou facer unha reclamación a facenda, por poñer só algúns exemplos.
Estes Cursos vanse desenvolver básicamente nas dependencias do CEIP Pedro Caselles e do IES Illa de Sarón fora de horario lectivo, e tamén en dependencias municipais. As inscricións para estes Cursos, que son totalmente gratuitas, se poden facer, en:
-Despacho do Técnico Municipal de Cultura ou ben chamando ao tfno 982592001, preguntando por Mario.
-Vicedirección do IES Illa de Sarón.
-Dirección do CEIP Pedro Caselles Rollán.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
