BURELA (FNC) .- A tenente de alcalde, Neves Cando, asegura que o PP de Burela terá que pronunciarse no pleno desta tarde si está co seu partido ou si está con Burela. Así se refire a edil nacionalista á polémica suscitada nas últimas semanas tras o anuncio efectuado pola conselleira de Sanidade de crear un área sanitaria única na provincia de Lugo.
Cando explicou que “esta tarde levaremos a pleno por parte do equipo de goberno unha moción para defender a actual área sanitaria da Mariña, unha cuestión importantísima para toda a comarca, pero vital para Burela e para todos os veciños. O anuncio que se fixo en Burela por parte da conselleira de Sanidade o pasado mes de xullo no que falaba da creación dun área sanitaria única na provincia de Lugo supón un paso atrás para Burela e para todos os veciños e veciñas do noso pobo. Este anuncio supón que moitos dos nosos veciños terían que volver 25 anos atrás cando se tiñan que desprazar a Lugo porque aquí non había hospital e agora o camiño será o mesmo para seren atendidos por certas especialidades ou para realizar algunhas probas que aquí xa non se poderían realizar, porque imos depender sanitariamente de Lugo capital”.
A concelleira nacionalista considera que “agora o PP de Burela terá que pronunciarse e decidir de que lado está; decidir si segue ás ordes do seu partido, de quen lle paga o soldo ao seu portavoz, o Sr. González Barcia, que por certo ben caladiño está con isto. Decidir si segue ás ordes do seu partido e vota por esta supresión da área sanitaria da Mariña ou si está ao lado dos veciños de Burela”. Neves Cando engade que “queremos saber que opina o Sr.González Barcia e o PP de Burela sobre esta decisión do goberno popular na Xunta de Galicia. Queremos saber si esta será a segunda patada que o PP lle pega a Burela. Recordar que a primeira foi cando levaron a Delegación de Pesca para Celeiro, si ben naquel momento os dirixentes do PP de Burela tiveron a decencia de abandonar o partido por este desprezo. Agora é momento de estar con Burela e cos seus veciños e defender que non se perdan os servizos sanitarios que temos aquí, porque hai un par de anos ben se lles enchía a boca aos representantes locais e comarcais do PP defendendo que non se perderan servizos na Mariña, dicindo que había que achegar a administración aos cidadáns e que se estaba xogando coa Mariña”. A tenente de alcalde burelesa subliña que “agora o PP na Xunta está xogando con Burela e o PP de Burela terá algo que dicir, si está co seu partido ou está con Burela”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
