BARREIROS (FNC).- No pleno ordinario celebrado onte en Barreiros acordóuse por unanimidade pedirlle a Fomento que sinalice as praias do concello na A-8. O alcalde, Alfonso Fuente, explicou que “tamén se trataron outros asuntos como unha proposta para dirixirse ó Ministerio de Fomento e que inicie os trámites de cesión da N-634 ó Concello entre Reinante e a rotonda do Asador para poder actuar nese vial. Si a cesión ven aparellada dunha concesión ou dunha partida económica poderíamos proceder á construcción de beirarrúas, iluminación… e todo o que sexan medidas de seguridade, como bandas e pasos elevados para así evitar casos como a protagonizado por un camión hai unhas semanas que se empotrou contra unha casa”.
A área sanitaria da Mariña tamén chegou ó Concello de Barreiros, a través dunha moción presentada polo BNG, “e nós presentamos unha enmenda a dita moción e foi votada de xeito unánime por todos os grupos cos puntos de acordo que nós propoñíamos. Queremos que se manteñan todos os servizos que ten o hospital da Costa e que incluso se melloren e se amplíen os servizos que presta”. Fuente Parga considera que “neste punto se estaba un pouco confundindo á xente, porque unha cousa é a xestión e outra a atención. A xestión igual nos importa pouco que se faga desde Lugo ou desde Santiago, xa que á hora de comprar as jeringuillas ou as toallas ó paciente o que lle interesa é que cando o seu facultativo vaia coller unha jeringuilla a teña, independentemente de que fose comprada en Lugo, en Santiago, Burela ou Madrid… si con esas compras centralizadas se baixa o seu coste sería positivo, ou á hora da contratación da limpeza dos hospitais porque non é mismo sacar tres a concurso que sacar un… si así se poden conseguir melloras pois benvidas sexan”. O rexedor barreirense considera que “si unha boa xestión vai ampliar a atención ó paciente benvido sexa. O que quixemos deixar ben claro é que non hai que confundir xestión con atención. Está claro que non se pode perder nin un só facultativo nin ningunha especilidade no hospital da Costa, pero a xestión pode mellorar ó centraliza”.
Alfonso Fuente contou que “se tratou tamén unha moción con respecto aos accesos en Estacaxugos e nós aí en principio consideramos que non era convinte agora mesmo cando se están realizando obras na vía, pero ó final acordamos dirixirnos a Fomento para que non deixe eses camiños sen acceso”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
